Այդ ճանապարհը կարող է պատմական աղետ լինել հայ ժողովրդի համար. Ալեքսեյ Անպիլոգով (տեսանյութ)

Ռուս քաղաքագետ Ալեքսեյ Անպիլոգովը Alpha News-ի հետ զրույցում մեկնաբանել է Ռուսաստանի ԱԳՆ ներկայացուցիչ Մարիա Զախարովայի հայտարարությունն այն մասին, որ «Ուկրաինային էլ են գայթակղել արևմտյան ցանցեր, բայց գցել են և չէի ցանկանա, որ դա տեղի ունենար Հայաստանի հետ»:

«Կա հստակ պատկերացում, թե ուր է Հայաստանը քաշում երկրի վարչապետ Նիկոլ Փաշինյանը և նրա կառավարությունը, որը նա այժմ օգտագործում է հայ-ռուսական գործընկերությունը, համագործակցությունը քանդելու համար, ընդ որում՝ ցանկացած ձևով։ ՀԱՊԿ-ը հիմնական բաղադրիչներից մեկն է։ Ընդհանուր առմամբ, սերմանվում է ռուսատյացություն, օգտագործվում է մեղավորների որոնում, որոնց դերի համար նշանակվում է Ռուսաստանի Դաշնությունը։ Եվ որ ամենակարևորն է՝ ռազմավարական փակուղուց ելք չկա»,-ասել է Անպիլոգովը։

Փորձագետի խոսքով՝ Ադրբեջանին հանդարտեցնելու համար արևմտյան երկրների վրա հույս դնելն առնվազն միամտություն է։

«Բացի Ռուսաստանի հետ հարաբերությունների վատթարացումից, այժմ Հայաստանը կտրուկ վատացնում է հարաբերությունները Իրանի հետ, դատելով ընտրված կուրսից, երբ Իրանն առաջարկեց Սյունիքի միջանցքի սեփական պաշտպանությունը՝ ռազմաբազայի տեղակայման տեսքով, դա նույնպես մերժվեց։ Ըստ այդմ, Հայաստանն այժմ ոչ միայն մենակ է մնում Ադրբեջանի հետ, այլև մնում է սեղմված Ադրբեջանի և Թուրքիայի միջև, ընդ որում՝ հասկանալի դաշնակիցների բացակայության պայմաններում։ Խոսել այն մասին, որ այժմ արևմտյան երկրները, որոնք Ուկրաինայի օրինակով ցույց տվեցին, որ չունեն մասնակցության և առավել ևս՝ խոշոր հակամարտությանը հաղթելու հնարավորություններ, կհանգստացնեն Ադրբեջանին և ինչ-որ կերպ կսահմանափակեն նրա ախորժակ, որն անընդհատ աճում է, առնվազն միամտություն է։ Ելնելով դրանից՝ մենք տեսնում ենք այնպիսի դառը հայտարարություն, որ իսկապես Հայաստանը հեռանում է և սխալ ճանապարհով է գնում, ընդ որում՝ այդ ճանապարհը կարող է պատմական աղետ լինել հայ ժողովրդի համար»,-եզրափակել է Անպիլոգովը։