Փաշինյանի դատախազությունը ցանկանում է նորից կալանավորել Գրիգորի Խաչատուրովին

ՀՀ Գլխավոր դատախազությունը բողոք է ներկայացրել Վճռաբեկ դատարան՝ պահանջելով կալանավորել գեներալ-մայոր Գրիգորի Խաչատուրովին։ Այս մասին Panorama.am-ը տեղեկացավ գլխավոր դատախազությունից։
Հիշեցնենք, որ Գրիգորի Խաչատուրովը կալանքի տակ էր 2023 թ. մարտի 16-ից։ Դեկեմբերի 1-ին Վերաքննիչ քրեական դատարանի դատավոր Արմեն Հովհաննիսյանը մասնակիորեն բավարարել էր պաշտպանական կողմի բողոքը և վերացրել Խաչատուրովի նկատմամբ 9 ամիս շարունակ կիրառված խափանման միջոց կալանքը՝ կիրառելով համակցված խափանման միջոց՝ գրավ և վարչական հսկողություն:
Խաչատուրովը կալանավորվել էր ԱԱԾ-ում քննվող՝ Սեյրան Օհանյանին առնչվող քրեական վարույթի շրջանակներում: Դատախազությանտարածած հաղորդագրության համաձայն, Գրիգորի Խաչատուրովի նկատմամբ քրեական հետապնդում է հարուցվել փողերի լվացման համար։ Գործը վերաբերում է  Արարատի մարզի Արմաշ համայնքում հողատարածքի գնմանը։ Ըստ դատախազության տարածած հաղորդագրության, հողատարածքը գնած Էդգար Արշակյանը Գրիգորի Խաչատուրովին փոխկապակցած անձ է։

Մեր կողմից հավելենք, որ Գրիգորի Խաչատուրովի դեմ իրականացվող հետապնդումն ակնհայտորեն քաղաքական է, չնայած Խաչատուրվն ինքը զինվորական է և քաղաքական գործընթացնաերի մեջ ներգրավված չէ: Բայց պարզորոշ տեսանելի է, որ Փաշինյանի ռեժիմն ուղղակի վախենում է նրանից և այն մտքից, որ Գրիգորի Խաչատորովը ոչ թե բանտում է, այլ համեմատաբար՝ ազատության մեջ: