Աշխատանքային պայմանագիր չունեցող հայ ներգաղթյալները կվտարվեն Ռուսաստանի տարածքից

Հայաստանից Ռուսաստանում աշխատող ներգաղթյալները, որոնք չունեն աշխատանքային պայմանագիր կվտարվեն երկրի տարածքից: Այս մասին հաղորդում է «Известия»-ն:

Համաձայն ՌԴ Ներքին գործերի նախարարության մշակված նոր օրինագծի, իրավախախտների համար 2-5 հազար ռուբլի տուգանք է նախատեսվում, իսկ առանձին դեպքերում վարչական արտաքսում երկրի տարածքից: Բացառություն կլինեն Բելառուսի քաղաքացիները, որոնք ազատված են միգրացիոն քարտ ստանալու պարտավորությունից: 

Օրինագծի նպատակն է վերահսկել Եվրասիական միության անդամ պետությունների քաղաքացիների գտնվելու ժամկետները Ռուսաստանի տարածքում: 

Ներկայում Եվրասիական միության երկրների՝ Հայաստանի, Ղրղզստանի, Ղազախստանի և Բելառուսի քաղաքացիների համար ազատված են անդամ երկրներում աշխատանքային թույլտվություն ստանալու պարտականությունից:

Zham.am