Սև անգղը փրկվեց, բայց այլևս կապրի կենդանաբանական այգում

«Էնդեմիկ և վտանգված տեսակների պահպանություն» հիմնադրամի ղեկավար Մանուկ Մանուկյանը ֆեյսբուքյան գրառմամբ հայտնել է, որ փրկված սև անգղը փոխանցվել է Երևանի կենդանաբանական այգուն.«Սև անգղի տունն այլևս կենդանաբանական այգին է, Սիրելի հետևորդներ, եթե հիշում եք, հոկտեմբերի 26-ին մեր՝ «Էնդեմիկ և վտանգված տեսակների պահպանություն» հիմնադրամի թռչունների փրկարարական կենտրոն էր տեղափոխվել շատ հազվադեպ տեսակի թռչուն՝ սև անգղ։ Այս մասին մենք տեղեկացրել էինք ձեզ հոկտեմբերի 27-ի հրապարակման մեջ, որտեղ ասել էինք, որ անգղի աչքն է վնասվել, թևերին կապտուկներ կան և թռչունն ընդհանրապես թույլ է։
Աչքը զզնեցինք, թռչունը որոշ բուժումներ ստացավ, և, երբ նա արդեն ավելի լավ իրեն զգաց, սկսեց լավ ուտել, աշխուժացավ, որոշում ընդունվեց անգղին փոխանցել Երևանի կենդանաբանական այգի։ Այդպիսի որոշում կայացրեցինք, քանի որ թռչունը տարիքով էր և մեկ աչքով էլ կույր։ Այսինքն մասնագիտական հետազոտությունից հետո, մեզ համար պարզ դարձավ, որ այս թռչունը այլևս բնության մեջ չի կարողանա իր համար կեր հայթայթել և, եթե բաց թողնենք, ապա, բնականաբար, չի կարող ազատության մեջ ինքնուրույն ապրել։ Իսկ կենդանաբանական այգում նա դեռ բավականին երկար կարող է ապրել և նույնիսկ ուրախացնել այգու այցելուներին»։
Տեսանյութը՝ հղումով
https://www.facebook.com/manuk.manukyan.37/posts/pfbid0ras9CjygB5uhhQGudf3URLF3CoqWf8uSUpCuUFTqgnGfHRtxvoRTUZNNJcK5QMMTl