Բնապահպանական իրավախախտման հետևանքով շրջակա միջավայրին հասցված վնասի չափը կազմել է՝ 1.345.400 ՀՀ դրամ

Նոյեմբերի 13-ից 17-ն ընկած ժամանակահատվածում բնապահպանական իրավախախտման հետևանքով շրջակա միջավայրին հասցված վնասի չափը կազմել է՝ 1.345.400 ՀՀ դրամ. այս մասին տեղեկացնում է ՀՀ Բնապահպանության նախարարությունը:

Բնապահպանության և ընդերքի տեսչական մարմնի ստորաբաժանումների աշխատակիցների կողմից նշված ժամանակահատվածում կատարված ստուգումների, շրջայցերի, Տեսչական մարմնին հանձնված վարչական վարույթի քննության, ինչպես նաև եռամսյակային հաշվետվությունների ընդունման գործընթացում հայտնաբերվել և արձանագրվել է թվով 29 իրավախախտում, որից 22-ի վերաբերյալ անցկացվել է վարչական վարույթի քննություն և նշանակվել 1.470.000 ՀՀ դրամի չափով վարչական տուգանք, նշանակվել է ՝ 1.345.400 ՀՀ դրամի վնաս:

Նախարարությունից, մասնավորապես նշում են, որ բուսական աշխարհի պահպանության ոլորտում արձանագրվել է իրավախախտման 10 դեպք և քննված վարչական վարույթներով նշանակվել է 400.000 ՀՀ դրամի չափով վարչական տուգանք, հաշվարկվել 1.312.400 ՀՀ դրամի չափով շրջակա միջավայրին հասցված վնաս:

Կենդանական աշխարհի պահպանության ոլորտում արձանագրվել է իրավախախտման 5 դեպք, քննված վարչական վարույթներով նշանակվել է 270.000 ՀՀ դրամի չափով վարչական տուգանք, հաշվարկվել 33.000 ՀՀ դրամի չափով շրջակա միջավայրին հասցված վնաս:

Մթնոլորտային օդի պահպանության, թափոնների տեղաբաշխման, հողերի օգտագործման և պահպանման ոլորտում արձանագրվել է իրավախախտման 6 դեպք, քննված վարչական վարույթներով կայացվել է վարչական տուգանքի 6 որոշում՝ 300.000 ՀՀ դրամի չափով:

Ընդերքի պահպանության ոլորտում արձանագրվել է իրավախախտման 1 դեպք:

Երևանում առանց թույլտվության կատարվել է խորքային հորի հորատում /երկրաբանական ուսումնասիրություն/, որի վերաբերյալ կայացվել է 150 000 ՀՀ դրամի չափով վարչական տուգանքի 1 որոշում։

Բնապահպանական և բնօգտագործման վճարների եռամսյակային հաշվարկ-հաշվետվությունները սահմանված ժամկետում չներկայացնելու համար.
կայացվել է վարչական տուգանքի 7 որոշում՝ 350.000 ՀՀ դրամի չափով:

Ընթացքի մեջ է գտնվում 32 գործ:

Նշված ժամանակահատվածում ՀՀ պետական բյուջե մուտքագրվել է 880.200 ՀՀ դրամ: