72 միլիոն եվրո արժողությամբ երկու նոր վարկ. Կառավարությունը շարունակում է ավելացնել ՀՀ պարտքը

Կառավարությունը նոյեմբերի 9-ի նիստում հավանություն տվեց միանգամից երկու վարկի ձեռքբերմանը:
Առաջինով ՀՀ և Ասիական զարգացման բանկի միջև նախատեսվում է ստորագրել Երևանի քաղաքային զարգացման ներդրումային ծրագիր վարկային համաձայնագիրը՝ 60 միլիոն եվրո արժողությամբ:
Ծրագրի նպատակն է զարգացնել քաղաքային ենթակառուցվածքները՝ կառուցելով Իսակով-Արշակունյաց նոր ճանապարհահատվածը, որը կկապի Երևան քաղաքի 3 վարչական շրջանները և էականորեն կնվազեցնի քաղաքային խցանումները:
2023թ. օգոստոսի 16-ն ստորագրվել է Հայաստանի Հանրապետության կառավարության և Գերմանիայի Դաշնային Հանրապետության կառավարության միջև 2022թ. ֆինանսական համագործակցության մասին համաձայնագիր:
Համաձայնագրով նախատեսվում է մինչև 12 միլիոն եվրոյի ֆինանսական օժանդակություն վարկ տրամադրել «Վերականգնվող էներգիայի ընդլայնում և էներգախնայողություն․ փուլ III» ծրագրի իրականացման համար, նաև անհրաժեշտության դեպքում տրամադրել այնպիսի լրացուցիչ դրամաշնորհներ, որոնք պետք է ուղղվեն Համաձայնագրի 1-ին հոդվածում նշված ծրագրերի նախապատրաստմանը կամ անհրաժեշտ հարակից միջոցառումներին։
Աղբյուր՝ yerevan.today