Ռուս խաղաղապահները 23-րդ դիտակետն են փակել Արցախում

 Ռուս խաղաղապահները 23-րդ դիտակետն են փակել Արցախում Ռուս խաղաղապահները 23-րդ դիտակետն են փակել Արցախում ՌԴ պաշտպանության նախարարությունն Արցախում ռուսական խաղաղապահ զորակազմի գործունեության վերաբերյալ իր ամենօրյա տեղեկագրում հայտնել է, որ խաղաղապահները Շուշիի շրջանում ևս մեկ դիտակետ են փակել։ «Լեռնային Ղարաբաղի զինված կազմավորումների լուծարման և զինաթափման հանգամանքով պայմանավորված՝ օրվա ընթացքում փակվել է ռուսական խաղաղապահ զորախմբի մեկ դիտակետ՝ Շուշիի շրջանում։ Ընդհանուր առմամբ, 2023 թվականի սեպտեմբերի 19-ից Ասկերանի, Շուշիի, Մարտունու և Մարտակերտի շրջաններում փակվել են ռուս խաղաղապահների 8 դիտակետ և 15 ժամանակավոր դիտակետ »,- նշված է տեղեկագրում։

ՌԴ ՊՆ հայտնել է նաև, որ ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղում․ «Անխափան կապ է պահպանվում Բաքվի և Ստեփանակերտի հետ՝ ուղղված արյունահեղության կանխարգելմանը, անվտանգության ապահովմանը և խաղաղ բնակչության իրավունքների պահպանմանը։

Ռուսական խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել»։