Ի՞նչ «Երևանի տոն»՝ նման իշխանությամբ

Սովորաբար, հոկտեմբերին «քաղաքի տոն» էր լինում: Ինչպես նշում է Armlur.am-ը Ամեն տարի հոկտեմբերի 19-ը նշվում է, որպես «Էրեբունի-Երևանի» հիմնադրման օր։ Այս տարի լրանում է Երևանի 2805 ամյակը։ Աղբյուրը հիշեցնում է, որ Երևանի 2021թ. բյուջեով «Էրեբունի-Երևան»-ի համար նախատեսված ֆինանսական միջոցները ուղղվել էին «100 տուն Արցախում» ծրագրի աջակցմանը։ Սակայն, ինչպես ցուց տվեց ստեղծված իրավիճակը, ամեն ինչ զուր էր։
Նշենք, որ Երևանի 2800 ամյակի համար ծախսվել էր ավելի քան 250 մլն դրամ, կազմակերպվել էին մի շարք միջոցառումներ։ Այս տարի «Էրեբունի-Երևանի» տոնակատարություն չի անցկացվելու։
ArmLur.am-ը մանրամասներ փորձեց ճշտել Երևանի քաղաքապետի մամուլի քարտուղար Հայկ Կոստանյանից․ «Միջոցառումներ չեն լինելու այս տարի։ Հստակ ոչ մի բանի հետ կապված չէ, պարզապես այս տարի նախատեսված չի եղել միջոցառումներ կազմակերպել։ Նաև ասեմ, որ պարտադիր պայման չէ ամեն տարի միջոցառումների կազմակերպումը,  անցած տարի էլ չի կազմակերպվել», – նշեց նա։
Կարելի է հավելել՝ նման իշխանությունների պայմաններում ի՞նչ «տոն» կարող է լինել: Առանց այդ էլ՝ եղած տոները «պատվեցին» կորուստներով ու սգով: Աղետներ, պատերազմներ, հազարավոր զոհեր, հայրենազրկում, սրա՛նք են գործող իշխանության «այցելարտերը»: Ի՞նչ տոն: