«Շառը մի՛ գցի ինձ վրա». Վարդան Ղուկասյանը՝ Հայկ Մարությանին

«Հանրային ձայն» կուսակցության ղեկավար Վարդան Ղուկասյանը արձագանքել է Հայկ Մարությանի հայտարարությանը․

«Հայկ Մարությանը եթե ժամանակին համաձայնվեր այդ մի վարչությունը մեզ տար, համաձայնության կգայինք, և այս իրավիճակը չէր ստեղծվի։ Հանրային ձայնը կարող է բոյկոտի, չգնա նիստին, եթե քո նմանը գա, նստի, դու, Թևանյանը հրապարակայնորեն իմ հետ կնքեք պայմանագիր, որ ես քեզ ընտրում եմ, եթե յուրաքանչուր 3-րդ թաղապետը իմն է, եթե առաջ միայն վարչության պետ էի ուզում, ինչ 3-րդ կա իմն է: Նստի, ինձ հետ ստորագրի, որ նիստը բոյկոտեմ: Շառը մի գցի ինձ վրա, եթե դու ժամանակին ասում էիր այո, Արտակ Գալստյանն էլ մանդատը վայր կդներ, Ուրիխանյանն էլ: Ունես 10 օր, կգաս, կնստես մեկ երրորդը կտաս ինձ, կբոյկոտեմ»։ 

Հիշեցնենք՝ «Ազգային առաջընթաց» կուսակցության՝ Երևանի քաղաքապետի թեկնածու Հայկ Մարությանը ավելի վաղ իր տեսաղուրձեում հայտնել է, որ բոյկտում են Ավագանու առաջին նիստը և անցնում նոր ընտրությունների, Նա, մասնավորապես, նշել էր․

«Քանի որ «Հանրային ձայն» խմբակցության ավագանու առաջին երկու անդամներից մեկը կալանավորված է, մյուսը՝ հետախուզման մեջ, ուստի ընդդիմադիր թեկնածուն ավագանու առաջին նիստին չի կարողանալու ընտրվել քաղաքապետ։ 

Այս տարբերակում մեր խմբակցությունը որոշում է կայացրել գնալ Երևանի ավագանու նոր ընտրությունների։

Մենք ներկա չենք գտնվելու ավագանու առաջին նիստին։ «Գնդակը հիմա «Հանրային ձայնի» դաշտում է, եթե նրանցից թեկուզ մեկ հոգի մասնակցի ավագանու նիստին, դա ՔՊ-ին հնարավորություն կտա իր թեկնածուին դարձնել քաղաքապետ»։