Պուտինը և Փաշինյանը քննարկել են Արցախում ռուս խաղաղապահների հետագա գործունեությունը․ Կրեմլ
Վլադիմիր Պուտինը գոհունակությամբ նշել է, որ հնարավոր է եղել հաղթահարել հակամարտության սուր փուլը և ողջունել ռուս խաղաղապահների ակտիվ մասնակցությամբ ձեռք բերված համաձայնությունը ռազմական գործողությունների ամբողջական դադարեցման և սեպտեմբերի 21-ին Բաքվի և Ստեփանակերտի ներկայացուցիչների միջև բանակցությունների անցկացման վերաբերյալ, հայտնում են Կրեմլի մամուլի ծառայությունից։
«Բանակցությունները տեղի կունենան ռուսական խաղաղապահ կոնտինգենտի ղեկավարության միջնորդությամբ»,- նշված է հաղորդագրության մեջ։
Կրեմի հաղորդմամբ՝ Պուտին-Փաշինյան հեռախոսազրույցում կողմերը քննարկել են Արցախում ռուս խաղաղապահների հետագա աշխատանքը, այդ թվում՝ խաղաղ բնակչությանը օգնություն ցուցաբերելը․
«Չնայած բարդ պայմաններին, խաղաղապահները շարունակում են ճշգրիտ կատարել իրենց առաջադրված խնդիրները և համակողմանի օգնություն ցուցաբերել խաղաղ բնակչությանն ու փախստականներին, այդ թվում՝ ռազմական բժիշկների ուժերով», - ասված է Կրեմլի հաղորդագրության մեջ։
Հետևեք մեզ Facebook-ում