Չկոնիան համառ է Երևանում McDonald's բացելու հարցում

Չնայած ճնշումներին, վրացի բիզնեսմենը շատ վճռական է տրամադրված McDonald's - ի գործը Հայաստանում ավարտին հասցնելու համար:

Թեմուր Չկոնիան մոտ երկու տարի է, փորձում է Հայաստանում բացել ռեստորան McDonald's: Նա ստացել է բոլոր անհրաժեշտ թույլտվությունները, սակայն խնդիրը համաշխարհային ճանաչում ունեցող բրենդի հայաստանյան տեղն է: 

"Ինձ առաջարկում են Երևանում հինգ տեղ, սակայն ես չեմ բացառում, որ McDonald's -ը կբացվի Հանրապետության հրապարակում, կարծում եմ, որ հրապարակը ամենահարմար տեղն է ռեստորանի համար",- Sputnik Армения -ի հետ զրույցում հայտարարել է Չկոնիան:

Նրա խոսքերով, հարցը կլուծվի, երբ ինքը գա Երևան և հանդիպի ղեկավարության ներկայացուցիչների հետ:

Չկոնիան ուզում է կառուցել երկհարկանի ռեստորան` Երևանի կենտրոնում: Հայաստանի բնակչության մեծ մասը դեմ է դրան, քանի որ կարծում է, որ Հանրապետության հրապարակում McDonald's -ը պատկերը կփոխի դեպի վատը: 

Սակայն Չկոնիան չի պատասխանում, նա միայն նշում է, որ Հայաստանում իր ծրագիրն իրականացնելու և գործն ավարտին հասցնելու մտադրությունն աներեր է: Նա միաժամանակ առաջ է բերում Հայաստանում և աշխարհի այլ երկրներում մարդկանց գործազրկության հարցը, և ասում, որ իր վրա է վերցնում Հայաստանում տասնյակ մարդկանց աշխատանքի տեղավորելու հարցը և նշում է, որ McDonald's -ը ոչ միայն արագ սննդի վայր է, այլև` համաշխարհային բրենդ, որը առանձնակի գրավչություն կհաղորդի երկրին:

Բիզնեսմենը մտադիր է ընդհանուր առմամբ Հայաստանում բացել արագ սննդի 7 ռեստորան, որի համար իրեն անհրաժեշտ է 1500 մետր քառակուսի:

Հայաստանում արագ սննդի ռեստորանի բացման հարցը որոշվել է Օրլանդոյում` ԱՄՆ, McDonald's -ի թոփ- մենեջերների հանդիպման շրջանակներում: 

Հայտնի ցանցի առաջին ռեստորանը Չկոնիան բացել է 90-ականներին` Թիֆլիսում: Այժմ Վրաստանում գործում են McDonald's-ի մի քանի ռեստորան:

Այս մասին գրել է Sputnik-georgia.ru կայքը: