Ըստ պայմանավորվածության՝ Լաչինի միջանցքը պետք է ամբողջությամբ բացվի. Սեյրան Օհանյան
«Ըստ պայմանավորվածության՝ Լաչինի միջանցքը պետք է ամբողջությամբ բացվի»,-լրագրողների հետ զրույցում ասաց «Հայաստան» խմբակցության ղեկավար Սեյրան Օհանյանը:
«Այս մեքենայի շարժը, որը մտել էր Արցախ Ակնայով, հնարավորություն է տալու և ըստ պայմանավորվածության՝ Լաչինի միջանցքն ամբողջությամբ կբացվի: Նախ Լաչինի նոր ճանապարհը, որը կառուցվել է, միջանք չէ, ՀՀ իշխանություններն ի՞նչ են մտածում դրա մասին, որովհետև միջանցքն իր մեջ պարունակում է այլ ենթակառույցներ՝ գազատար, էլեկտրականություն, կապի մալուխներ, բայց ամեն բան պետք է անել, որ այդ ճանապարհը բացվի, նախևառաջ միջազգային հարթակներում Ադրբեջանին պարտադրելու, որ միջանցքը բացի… Երբ ռուսական մեքենան է անցել Ակնայով, կարծում եմ, այդ հարցը պետք է դնել Ռուսաստանի Դաշնության իշխանությունների առջև , որպեսզի իրենք էլ հստակ քայլեր ձեռնարկեն՝ Ադրբեջանին պարտադրելու ճանապարհը բացելու համար»,-ասաց Սեյրան Օհանյանը:
Մանրամասն՝ տեսանյութում:
Հետևեք մեզ Facebook-ում