«Ադրբեջանը Ռուսաստանի կարևոր ռազմավարական գործընկերն է». Զախարովա (տեսանյութ)
Լեռնային Ղարաբաղի հակամարտության կարգավորման թեման առաջնահերթություն է Ռուսաստանի համար: Այդ մասին ճեպազրույցի ժամանակ հայտարարել է Ռուսաստանի Դաշնության արտգործնախարարության խոսնակ Մարիա Զախարովան:
«Մեզ համար այդ թեման միջազգային օրակարգում առաջնահերթ հարցերից մեկն է, որովհետև այն կապված է ոչ թե պարզապես հարևանների, այլ ժողովուրդների հետ, որոնց հետ մեզ կապում է ոչ թե միջազգային իրավական փաստաթղթերի և պարտավորությունների ֆորմալ կողմը, այլ կյանքը և ճակատագիրը: Մենք ընդհանուր կյանք, ճակատագիր ենք ունեցել ոչ միայն տասնամյակներ, այլև դարեր շարունակ: Այդ պատճառով մեզ համար Լեռնային Ղարաբաղի թեման առաջնահերթություն է»,- ասել է ՌԴ ԱԳՆ ներկայացուցիչը:
Դրա հետ մեկտեղ Զախարովան նշել է, որ Ադրբեջանը Ռուսաստանի կարևոր ռազմավարական գործընկերն է և որ այս տարի երկրները նշում են երկու երկրների միջև դիվանագիտական հարաբերությունների հաստատման 25-ամյակը։
«Ռուսաստանը Մինսկի խմբի մյուս համանախագահների հետ շարունակում է աջակցել Լեռնային Ղարաբաղի հակամարտության խաղաղ կարգավորման և փոխադարձ ընդունելի լուծումներ գտնելու հարցում»,- հայտարարել է Զախարովան:
Ավելին՝ տեսանյութով
Zham.am
Հետևեք մեզ Facebook-ում