Նիկոլ Փաշինյանը սկսում է փորձարկել Ռուսաստանի համբերությունը․ ռուս փորձագետ

«ԱՄՆ-ի հետ վարժանքներ անցկացնելու Հայաստանի ծրագրերն ու ՀԱՊԿ-ում երկրի նախկին մշտական ներկայացուցիչի նշանակումը Նիդեռլանդներում ՀՀ դեսպանի պաշտոնում ցուցադրական քայլեր են, որոնք պետք է Ռուսաստանին հուշեն, որ Երևանը ձգտում է դեպի Արևմուտք թեքվել»,-«Ռիա Նովոստի» գործակալությանն ասել է ՌԴ նախագահին կից Միջազգային հարաբերությունների խորհրդի անդամ, քաղաքագետ Բոգդան Բեզպալկոն:

«Նիկոլ Փաշինյանը սկսում է փորձարկել Ռուսաստանի համբերությունը՝ ձեռնարկելով մի շարք ցուցադրական քայլեր, որոնք ակնհայտորեն անընդունելի են Ռուսաստանի հետ դաշնակցային հարաբերությունների համար։ Քայլերը պետք է խորհրդանշեն Հայաստանի վերակողմնորոշումը ռուսական վեկտորից դեպի արեւմտյան։ Սա հստակ ցույց է տալիս, որ Հայաստանի ղեկավարությունը ցանկանում է խզել հարաբերությունները Ռուսաստանի հետ»,- ասել է փորձագետը՝ հավելելով․ «ՀԱՊԿ-ից Հայաստանի դուրս գալու վտանգ կա, բայց քանի դեռ Հայաստանը պաշտոնապես դուրս չի եկել կազմակերպությունից, փորձագետն այդ բոլոր քայլերը դիտարկում է որպես շանտաժի տարր»:

Հիշեցնենք, որ Հայաստանը մի քանի անգամ հրաժարվել է ՀԱՊԿ զորավարժություններից, սակայն այսօր՝ սեպտեմբերի 6-ին հայտարարվեց հայ-ամերիկյան զորավարժությունների մասին։

Աղբյուր՝ Yerevan.Today.am