Սա է պետական ​​գործչի և երկրի շահի մասին չմտածող մարդու տարբերությունը. ՌԴ ԱԳՆ-ն՝ Փաշինյանի հայտարարությունների մասին

ՌԴ ԱԳՆ խոսնակ Մարիա Զախարովան արձագանքել է Հայաստանի վարչապետ Նիկոլ Փաշինյանի հայտարարությանն առ այն, որ անվտանգության առումով ՀՀ-ի կախվածությունը միայն մեկ կենտրոնից ռազմավարական սխալ է։

Այսօրվա ճեպազրույցի ժամանակ Զախարովան հայտարարել է, որ պետք է կարողանալ պատասխանատվություն կրել սեփական արարքների համար, այլ ոչ թե մեղավորներ փնտրել՝ դա անելով անվերջ ու ամեն առիթով։

Նրա խոսքով՝ վերջին օրերի ընթացքում ՀՀ վարչապետը շատ հայտարարությունն է արել:

«Ամփոփելով այդ հայտարարությունները՝ ցանկանում է ասել, որ պետք է պատասխանատվություն կրել սեփական արարքների համար, այլ ոչ թե մեղավորների փնտրել՝ դա անելով անվերջ ու ամեն առիթով: Պետք է պատասխանատվություն կրել և մեղքը կամ պատասխանատվությունն ուրիշի վրա չգցել: Հենց սա է քաղաքական գործչի, պետական գործչի և երկրի շահի մասին չմտածող անցողիկ մարդու տարբերությունը: Պետք է սովորել պատասխանատվություն կրել սեփական քայլերի համար: Այլապես սա մի քիչ նման է վատ պարողի մասին պատմությանը»,- հավելել է ՌԴ ԱԳՆ ներկայացուցիչը։

Վերջերս իտալական La Repubblica-ին տված հարցազրույցում Փաշինյանը, մասնավորապես, հայտարարել էր, որ «Ռուսաստանի խաղաղապահ ուժերը Լեռնային Ղարաբաղում չեն կատարում 2020 թվականի նոյեմբերի 9-ի եռակողմ հայտարարությամբ ստանձնած առաքելությունը», ինչպես նաև, որ «Ռուսաստանն ինքն է հեռանում տարածաշրջանից՝ դատելով այն քայլերից, որ անում է կամ չի անում»։ 

Աղբյուր՝ Tert.am