Ուր՞ գնալ սովորելու

Ավարտվեցին բուհերի և դրանց կից դպրոցների քննությունները՝  հերթը քոլեջներինն  է․․․ Թերևս բարձրագույն հաստատություններին կից քոլեջները  ունեն իրեց առավելությունը՝  շրջանավարտը դուրս է գալիս քոլեջից, որպես դիպլոմավորված մասնագետ։ Բնականաբար դիպլոմը նրա առջև բացում է ոչ միայն համալսարանների, այլև մասնագիտությամբ աշխատելու դռները։ << Ո՞ր քոլեջը, ո՞ր մասնագիտությունը ընտրել>> սա թերևս ամենագլխավոր հարցն է հատկապես 9-րդ դասարանը ավարտածների շրջանակներում։ Իսկապես բարդ խնդիր է հատկապես որ բոլոր բուհերի քոլեջներն էլ ձգտում են ապահովել որակ և մասնագիտությունների ցանկն էլ  գրեթե նույնն է։ Թերև  պետք է նկատենք, որ մասնագիտական առումով տարբերվում է ճարտարապետության և շինարարության Հայաստանի ազգային համալսարանի միջին մասնագիտական կրթության 102 ամյա թոլեջը։ Որն՞ է այս կրթական հաստատության առանձնահատկությունը այս և ապագա ուսանողներին հետաքրքրող մի քանի հարցի շուրջ զրուցեցինք ՃՇՀԱՀ-ի միջին մասնագիտական քոլեջի տնօրեն, տնտեսական գթ, դոցենտ Անահիտ Հովհանիսյանի հետ։

-         Որն՞է ձեր քոլեջի առավելությունը,  ինչ՞ հնարավորություն է այն տալիս շրջանավարտին։

-         Մեր Ճարտարապետության և շինարարության Հայաստանի ազգային համալսարանի միջին մասնագիտական կրթության քոլեջի առավելությունն այն է, որ միակ շինարարական քոլեջն է Հայաստանում, որը գործում է Ճարտարապետության և շինարարության Հայաստանի ազգային համալսարանի ներքո: Համալսարանը բավականին ճանաչվածություն ունի ինչպես Հայաստանում, այնպես էլ Հայաստանից դուրս: Համալսարանը և քոլեջը ունեն կնքված պայմանագրեր, որի արդյունքում մեր շրջանավարտները հնարավորություն են ստանում ուսումը շարունակել Հայաստանում կամ Հայաստանից դուրս:

-         Ինչ՞ ֆակուլտետներ կան և շատերը ուզում են հասկանալ ձեր շրջանավարտները միայն շինարարության ոլորտում կարող են աշխատել, թէ՞ այլ բնագավառներում ևս։

-         Քոլեջում գործում են տարբեր մասնագիտություններ՝ կապված ինչպես բուն շինարարության («Շենքերի և կառույցների շինարարություն և շահագործում», «Քաղաքաշինական կադաստր»,  «Գազամատակարարման սարքավորումների և համակարգերի հավաքակցում և շահագործում», «Վերամբարձ տրանսպորտային, շինարարական, ճանապարհային մեքենաների և  սարքավորումների շահագործում», «Ներքին ջեռուցման և օդափոխման համակարգերի սանիտարատեխնիկական սարքավորումների և օդափոխման համակարգերի տեղակայում և շահագործում», «Հարդարման շինարարական աշխատանքների իրականացում», «Արդյունաբերական և քաղաքացիական շենքերի էլեկտրական սարքավորումների տեղակայում կարգավորում և շահագործում», «Ջրամատակարարում և ջրահեռացում», «Դիզայն»), այնպես էլ տարբեր ոլորտների հետ՝ տնտեսագիտության, զբոսաշրջության, ծրագրավորման, մոդելավորման և այլն («Զբոսաշրջություն», «Մենեջմենթ», «Հաշվապահական հաշվառում», «Հաշվողական տեխնիկայի և ավտոմատացված համակարգերի ծրագրային ապահովում», «Հագուստի մոդելավորում և նախագծում»), հետևաբար մեր շրջանավարտները կարող են աշխատել տարբեր ոլորտներում:

-         Կարող՞ է ուսանողը սովորելու ընթացքում աշխատել։

-         Ցանկալի չէ, որ ուսանողը աշխատի 1-ին և 2-րդ կուրսում, իսկ բարձր կուրսերում հնարավոր է, եթե չի խանգարում ուսումնական գործընթացին և գործող օրենքներին, օրենսդրությանը:

-         Ընդունելության համար ինչ՞ քննություններ պետք է հանձնեն և որ՞ դեպքում կարող են առանց քննություն հանձնելու ընդունվել ։

-         Ընդունելության ժամանակ քննություն են հանձնում միայն ոլորտային մասնագիտությունների դիմորդները՝ «Հագուստի մոդելավորում և նախագծում» մասնագիտությամբ դիմորդները միայն «Գծանկար» առարկայից, իսկ «Դիզայն» մասնագիտությամբ դիմորդները՝ «Գծանկար», «Գունանկար», «Կոմպոզիցիա» առարկաներից:

-         Համագործակցության ինչ՞ ծրագրեր եք իրականացնում։

-         Համագործակցում ենք տարբեր ծրագրերի շրջանակներում Ռուսաստանի Դաշնության (Սանկտ-Պետերբուրգ, Մոսկվա...), Գերմանիայի Դաշնային Հանրապետության և այլ երկրների հետ:

-         Ինչ՞ Դուք կկարևորեիք մրցունակ մասնագետ դառնալու համար։

-         Ինձ համար շատ կարևոր է այն, որ ուսանողը ընտրի այն մասնագիտությունը, որը իսկապես սիրում է, ձգտում ունի գիտելիքներ ստանալու և զարգացնելու այն: Մեր ազգը փոքրաքանակ լինելով կարող է հզորանալ կայուն գիտելիքների, առաջադիմության, կարգապահության, օրենքների իմացության, կատարման և պահպանման հիման վրա:

-         Տիկին Հովհանիսյան Դուք որպես փորձառու մասնագետ ին՞չ եք կարծում որն՞ է քոլեջի հաջողության գրավականը։

-         Հաջողության բանաձևը կարծում եմ ավանդույթների պահպանումն է և դրանց հիման վրա ժամանակի պահանջներին  համընթաց զարգացումը։ Մենք պարբերաբար վերանայում ենք  կրթական ծրագրերը և դրանց զարգացման ուղղված փոփոխություններ իրականացնում։ Ինչի վառ ապացույցն է հանդիսանում նոր ուսուցման ռազմավարական ծրագիրը, քանզի ներկայիս շուկան այլ է և ունի իրեն բնորոշ պահանջարկը: Քոլեջում ներդրվել են համեմատաբար նոր և  մեծ պահանջարկ ունեցող  մասնագիտություններ՝ «Քաղաքաշինական կադաստր», «Ջրամատակարարում և ջրահեռացում»,  «Արդյունաբերական և քաղաքացիական շենքերի էլեկտրական սարքավորումների տեղակայում, կարգավորում և շահագործում»,   «Հաշվողական տեխնիկայի և ավտոմատացված համակարգերի ծրագրային ապահովում»,  «Հագուստի մոդելավորում և նախագծում»,  «Զբոսաշրջություն»,   «Հարդարման շինարարական աշխատանքների իրականացում»,  «Ներքին ջեռուցման և օդափոխման համակարգերի սանիտարատեխնիկական սարքավորումների մոնտաժում և շահագործում»:  Ուսուցման նոր մոտեցումների կիրառման անհրաժեշտությունը ակնհայտ է դառնում ամբողջ աշխարհում: Դրա մասին են վկայում Լիսաբոնյան, Կոպենհագենյան և Բուլոնիայի պայմանագրերը: Այդ ուղղությամբ քոլեջում կատարվել են ուսումնական պլանների վերանայում, դասախոսական անձնակազմի վերապատրաստում, անգլերենի և համակարգչային ուսուցման որակի բարձրացում: Վերջնամշակման աշխատանքների համար ստեղծվել է մոդուլ  և այդ մոդուլով կազմակերպվել վերապատրաստման աշխատանքներ: Որակյալ և պահանջարկված կադրերի ապահովման համար բացի ծրագրային փոփոխություններից, քոլեջում կատարվել են վերանորոգման աշխատանքներ` ուսանողների համար բարեկեցիկ պայմաններ ստեղծելու նպատակով, ինչպես նաև մեծ ուշադրություն է դարձվել գործատուների հետ նոր պայմանագրերի կնքմանը և պրակտիկաների անցկացման որակի ապահովմանը:

Խոսելով ավանդույթներից չեմ կարող չհիշատակել քոլեջի առաջին տնօրեն Ալեքսանդր Միքայելյանին, ով կարճ ժամանակահատվածում 1921թ-ին կադրերի սղության պայմաններում կարողացավ իր շուրջ համախմբել ժամանակին հրամայականին համապատասխանող մասնագետներին։ Շրջանավարտների մի ամբողջ ջոկատ դարձավ Միութենական և Հանրապետական անվանի գործիչներ, գիտության և տեխնիկայի ջատագովներ՝ Սամվել Սաֆարյանը, Հովիկ Մարգարյանը, ակադեմիկոս Սովետական Միության Գիտությունների ակադեմիայի պրոբլեմային մեխանիկայի բաժնի վարիչ, Սովետական Հայաստանի գերագույն խորհրդի նախագահ Նագուշ Հարությունյանը, Երևանի պոլիտեխնիկական ինստիտուտի պրոֆեսորներ Վարազդատ Հարությունյանը, Արտաշես Մամիջանյանը, գրող պետական մրցանակի դափնեկիր Անահիտ Սահինյանը, Մոսկվայի Ժուկովսկու անվան ռազմաօդային ակադեմիայի աէրոդինամիկայի ամբիոնի վարիչ դոկտոր-պրոֆեսոր Ռաֆիկ Մեժլումյանը, ճարտարապետ Հովհաննես Հակոբյանը, Խորհրդային Միության գազային արդյունաբերության փոխնախարար Ռուդոլֆ Ասատրյանը և այլոք՝ այս ցանկը ամբողջությամբ լրացնելու համար երկար ժամանակ կպահանջվի։

Զրուցեց Ժասմեն Վիլյանը

Հ․Գ  Ի դեպ նշենք, որ ինչպես ՃՇՀԱՀ-ի այնպես էլ քոլեջի կրթական ծրագրերի որակի բարձրացումը համալսարանի գերակա խնդիրներից մեկն է և գտնվում է ՃՇՀԱՀ-ի ռեկտոր Եղիազար Վարդանյանի ուշադրության կենտրոնում։