Մահացել է Լյուդմիլա Գուրչենկոյի աղջիկը` թողնելով մորից ստացած միլիոնանոց ժառանգությունը

ԽՍՀՄ վաստակավոր արտիստուհի Լյուդմիլա Գուրչենկոյի դուստրը` Մարիա Կորոլյովան այսօր հանկարծամահ է եղել 58 տարեկան հասակում: Այս մասին հայտնում են ԶԼՄ-ները` նշելով, որ Մարիան հանկարծակի ցած է ընկել ավտոկայանատեղիում, հարազատների աչքի առաջ: Դեպքը պատահել է առավոտյան, երբ նա զբոսնելիս է եղել աղջկա և թոռնիկի հետ: Նա իրեն վատ է զգացել, ցած ընկել և մահացել է, հաղորդում են ռուսական լրատվամիջոցները:

Թեպետ դեպքը այսօր է պատահել, սակայն գտնվել են աղբյուրներ, որոնք շտապել են խոսել Մարիայի թողած միլիոնանոց ժառանգության մասին, որը նա ստացել է հռչակավոր մորից, և որը Գուրչենկոյի մահից հետո մի քանի տարի շարունակ իրար միջև կիսել են դերասանուհու վերջին ամուսինը` Սերգեյ Սենինը և աղջիկը` Մարիա Կորոլյովան:

Life.ru -ն գրում է, որ Մարիա Կորոլյովայի ժառանգությունը գնահատվել է մոտ 20 միլիոն ռուբլի: Նրա ժառանգորդները հանդիսանում են դուստրը և երկու թոռները:

Zham.am