Աղքատ կյանքը բացասաբար է ազդում երեխաների ուղեղի կառուցվածքի վրա․ JAMA Network Open

Սենթ Լուիսում Վաշինգտոնի համալսարանի բժշկական դպրոցի գիտնականները պարզել են, որ աղքատ կյանքը կարող է վնասել երեխայի ուղեղի կառուցվածքային կապերին: Հետազոտությունը հրապարակված է JAMA Network Open-ում:

Աշխատանքի հեղինակներն օգտագործել են 9-ից 10 տարեկան գրեթե ինը հազար երեխաների տվյալներ։ Նրանց առողջական վիճակը վերահսկվել է առնվազն տասը տարի։

Գիտնականները հայտնաբերել են, որ աղքատության մեջ ապրող երեխաների ուղեղի սպիտակ նյութում ջրի մոլեկուլները դժվարությամբ են տեղաշարժվել, ինչը կարող է պայմանավորված լինել նրանց մոտ ջրի շարժման համար կառուցվածքային խոչընդոտների առաջացման հետ։

Բացի այդ նրանց ուղեղի որոշ մասերում ավելի շատ հեղուկ է եղել, ինչը կարող է վկայել ուղեղի բորբոքման մասին։ Ավելի վաղ պարզվել էր, որ մեծահասակների մոտ քրոնիկ բորբոքումը կապված է դեմենցիայի եւ նյարդային համակարգի այլ խանգարումների հետ։

«Սպիտակ նյութի ամբողջականությունը շատ կարեւոր է ուղեղի զարգացման համար: Դրա նվազումը կապված է երեխաների տեսողա-տարածական եւ հոգեկան առողջության խնդիրների հետ»,- պարզաբանել են գիտնականները։

Աղբյուր՝ News.am