Ջիգարխանյանը թատրոնից հեռացրել է նոր տնօրենին, ինչպես նաև աներոջն ու զոքանչին
Հիվանդանոցից վերադարձած դերասանը սկսել է կարգուկանոն հաստատել թատրոնում:
Ինչպես հաղորդում է «Կոմսոմոլսկայա պրավդան», դեռևս օրեր առաջ Արմեն Ջիգարխանյանը ասել էր. «Վատ մարդիկ պետք է հեռանան թատրոնից, ես անուններ չեմ տա և չեմ ազատի աշխատանքից, 2-3 օրվա ընթացքում այդ մարդիկ իրենք պետք է որոշում կայացնեն»:
Այսօր այդ մարդիկ չեն հեռացել, և Ջիգարխանյանը ստիպված է տալ նրանց անուններն ու գրավոր կերպով անվստահություն հայտնել թատրոնի գլխավոր տնօրենի պաշտոնակատար Ելենա Գիլվանովային, նրա օգնական Մարիա Սեմենցովային, ինչպես նաև իր աներոջն ու զոքանչին՝ թատրոնի գլխավոր ինժեներ Վ.Վ. Ցիմբալյուկին և կարի բաժնի ղեկավար Լ.Ի. Ցիմբալյուկին:
Հիշեցնենք, որ ամեն ինչ սկսվել է երկու շաբաթ առաջ: Ժողովրդական արտիստի կինը՝ դաշնակահարուհի Վիտալինա Ցիմբալյուկը հայտնել էր, որ ամուսնուն առևանգել են: Ավելի ուշ պարզվեց, որ Ջիգարխանյանը գտնվում է Մոսկվայի քաղաքային հիվանդանոցում, որտեղ թաքնվում էր հենց կնոջին: Դերասանը վերջինիս մեղադրել է իրեն սպանելու փորձի մեջ և գող է անվանել: Օրեր առաջ էլ Ցիմբալյուկը ծնողների հետ հեռացել է երկրից անհայտ ուղղությամբ:
Հետևեք մեզ Facebook-ում