Որևէ մեկը կասկածի տակ չի դնում ՀՀ ինքնիշխանությունը. Օվերչուկը՝ ապաշրջափակման մասին․ Sputnik Արմենիա
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Արմեն Գրիգորյանը պատասխանել է Օվերչուկին՝ Երևանի կուրսը չի փոխվի (տեսանյութ)
Հայաստանի, Ռուսաստանի և Ադրբեջանի փոխվարչապետերի եռակողմ նոր հանդիպում կլինի
Չեմ էլ ուզում մտածել Հայաստանի և Ռուսաստանի միջև խզման հնարավոր հետևանքների մասին. Օվերչուկ
Ճանապարհների ապաշրջափակման գլխավոր խնդիրն է, թե ով է ապահովելու այդ երթուղիներից օգտվող մարդկանց անվտանգությունը․ Օվերչուկ
Տրանսպորտային ապաշրջափակման թեմայով Մոսկվան գրեթե ամեն օր շփվում է Երևանի և Բաքվի հետ. Օվերչուկ
Որևէ մեկը կասկածի տակ չի դնում Հայաստանի ինքնիշխանությունը։ Sputnik Արմենիայի հետ զրույցում այս հայտարարությունն արել է ՌԴ փոխվարչապետ Ալեքսեյ Օվերչուկը` մեկնաբանելով տարածաշրջանային հաղորդակցությունների ապաշրջափակման հանձնաժողովի եռակողմ հանդիպման արդյունքները։
Նրա խոսքով` Մոսկվայում Հայաստանի և Ադրբեջանի փոխվարչապետների մասնակցությամբ բանակցությունները տևել են 9 ժամ։
«Սկզբունքորեն տեքստը պատրաստվածության բարձր աստիճանի վրա է, կա երկու-երեք անհամապատասխանություն, որոնք դեռ լրացուցիչ քննարկման կարիք ունեն։ Սկզբունքային պահն այն է, թե աշխարհագրորեն որ մասով է անցնելու երկաթգիծը։ Մենք դա հնչեցրել ենք, պայմանավորվել ենք, թե ինչպես է իրականացվելու բեռների մաքսային հսկողությունը», - ասել է Օվերչուկը։
Ըստ ՌԴ փոխվարչապետի` դա լինելու է սովորական երկաթուղի, սովորական սահման՝ անձնագրային, սահմանային, մաքսային հսկողությամբ։ Նա ընդգծել է` ոչ ոք Հայաստանի ինքնիշխանությունը կասկածի տակ չի դնում, բոլոր կողմերը տրամադրված են, որ հնարավորինս շուտ գործարկվեն աշխատանքները:
Ճշտող հարցին, թե արդյոք քննարկվել է ՌԴ ԱԴԾ աշխատակիցների հնարավոր մասնակցության հարցը` վերահսկողության, անվտանգության ապահովման առումով, Օվերչուկը պատասխանել է` դա կախված է Հայաստանի Հանրապետությունից:
Հետևեք մեզ Facebook-ում
