Ղրիմի կամուրջը փակ է
Ղրիմի տրանսպորտի նախարար Նիկոլայ Լուկաշենկոն հայտարարել է, որ Ղրիմի կամրջով երթևեկությունը արգելափակվել է հակաահաբեկչական վարժանքների պատճառով, փոխանցում է ՏԱՍՍ-ը։ «Ղրիմի կամրջի վրա հակաահաբեկչական զորավարժություններ են անցկացվում»,- ասել է Լուկաշենկոն։
Նա հավելել է, որ դրանց ավարտից անմիջապես հետո երթևեկությունը կվերականգնվի։ Մայիսի 19-ին ՌԴ փոխվարչապետ Մարատ Խուսնուլինն ասել է, որ բեռնատարներին, այդ թվում՝ դատարկներին, անվտանգության նկատառումներից ելնելով՝ դեռ թույլ չեն տա տեղաշարժվել Ղրիմի կամրջով։ Ավելի ուշ Ղրիմի ղեկավարի խորհրդական Օլեգ Կրյուչկովը հայտնել է, որ Ղրիմի կամրջի երթևեկությունը վերականգնվել է։
Նախօրեին տրանսպորտի նախարարության ղեկավար Վիտալի Սավելևը ՌԴ նախագահ Վլադիմիր Պուտինի հետ հանդիպմանը հայտնել էր, որ նախատեսվում է մինչև հուլիսի 1-ը Ղրիմի կամրջի երկաթուղային գծերը հասցնել ստանդարտ վիճակի։
Հետևեք մեզ Facebook-ում