Եկեղեցին ամենաբարձր վարկանիշ ունեցող կառույցն է Հայաստանում, ՄԻՊ-ը գահավիժել է. սոցհարցում

Միջազգային Հանրապետական ինստիտուտը (IRI), հրապարակել է 2023 թվականի մարտին Հայաստանում անցկացված սոցհարցումների արդյունքները։ Ինստիտուտը փորձել է պարզել, թե հարցվածները որքանով են բավարարված տարբերակներում նշված կառույցների աշխատանքով։ Առաջին հորիզոնականում Հայ Առաքելական եկեղեցին է, հարցվածների 25 տոկոսը պատասխանել է, որ լիովին բավարարված է եկեղեցու աշխատանքով, 29 տոկոսը ավելի շուտ բավարարված է, 15 տոկոսը՝ ավելի շուտ բավարարված չէ, 25 տոկոսը ընդհանրապես բավարարված չէ, 5 տոկոսը դժվարացել է պատասխանել։ 

Երկրորդ հորիզոնականում ոստիկանությունն է։ Հարցվածների 19 տոկոսը բավարարված է ոստիկանության աշխատանքով, 39 տոկոսը ավելի շուտ բավարարված է, 18 տոկոսը ավելի շուտ բավարարված չէ, 21 տոկոսը ընդհանրապես բավարարված չէ, 3 տոկոսը դժվարացել է պատասխանել։ 

Երրոդ հորիզոնականում ԱԱԾ-ն է, որի աշխատանքով լիովին բավարարված է հարցվածների 16 տոկոսը, ավելի շուտ բավարարված է 29 տոկոսը, ավելի շուտ բավարարված չէ 22 տոկոսը, ընդհանրապես բավարարված չէ 25 տոկոսը, 9 տոկոսը դժվարացել է պատասխանել։

Վարչապետի աշխատակազմը 5-րդ տեղում է, զինված ուժերը՝ 6-րդ, ՄԻՊ գրասենյակը՝ 7-րդ, կառավարությունը՝ 10-րդ, բանակի ղեկավարությունը՝ 11-րդ։ Հարցման արդյունքներով ամենավերջին տեղում ԲԴԽ-ն է։

Նշենք, որ Մարդու իրավունքների նախկին պաշտպան Արման Թաթոյանից հետո ՄԻՊ գրասենյակի հեղինակությունն ու վարկանիշը ուղղակի գահավիժել է։ 2021 թվականին հարցվածների 68 տոկոսը բավարարված էր ՄԻՊ գրասենյակի աշխատանքով, 2023 թվականին՝ ընդամենը 43 տոկոսը։  

Նշենք, որ հարցմանը մասնակցել են 18 տարին լրացած 1513 ՀՀ քաղաքացի։

Աղբյուր՝ «Հրապարակ»