Արևաբույր գյուղի վարչական ղեկավարն ու իր ընկերները ծեծի են ենթարկել «Սպեցնազ» ՍՊԸ-ի պահնորդին

SHAMSHYAN.com-ի տեղեկություններով՝ ապրիլի 30-ին վիճաբանություն-ծեծկռտուք է տեղի ունեցել Արարատի մարզում։ Այդ օրը, ժամը 16։00-ի սահմաններում ՀՀ Ներքին գործերի նախարարության Ոստիկանության Արարատի մարզային վարչությունում օպերատիվ տեղեկություններ են ստացվել, որ Մասիս խոշորացված համայնքի Արևաբույր գյուղում ծեծկռտուք է տեղի ունեցել։

Դեպքի վայր են ժամանել Ոստիկանության Արարատի մարզային վարչության պետ Սարիբեկ Ռուստամյանը և Ոստիականության Մասիսի բաժնի պետ Ասքանազ Դավթյանը։

Պարզվել է, որ տեղեկությունը հավաստի է։ Եվ այդ օրը, ժամը 15։50-ի սահմաններում Արևաբույր գյուղի Բաղրամյան փողոցում էլեկտրական լարերին խանգարող ծառի ճյուղերը կտրելու հարցի շուրջ վիճաբանություն է տեղի ունեցել նույն գյուղի բնակիչներ 36-ամյա Արայիկ Մելքոնյանի և 36-ամյա Տաճատ Մարգարյանի, 36-ամյա Ներսես Գասպարյանի և 26-ամյա Շավարշ Ավետիսյանի միջև, որի ընթացքում վերջիններս բռունցքներով ու ոտքերով հարվածներ են հասցրել Ա․ Մելքոնյանի մարմնի տարբեր հատվածներին։ 

Մանրամասն՝ սկզբնաղբյուր կայքում։