Հայ և ռուս օդաչուները մշակել են օդային տարածքի պաշտպանությունը
Ռուսական ավիաբազայի օդաչուները, Հարավային ռազմական օկրուգի ռազմակայանի հակաօդային պաշտպանության զենիթային ստորաբաժանումների հաշվարկները և Հայաստանի պաշտպանության նախարարության զինծառայողները կատարել են օդային տարածքի պահպանության ուսումնական առաջադրանքներ: Այդ մասին հայտնում է ՀՌՕ մամուլի ծառայությունը։
«Ուսումնական պարապմունքների ընթացքում մշակվել են օդային տարածքը խախտողներին նմանակող պայմանական օդային թիրախների հայտնաբերման և դրանք որսալու գործողություններ։ ՀՕՊ ստորաբաժանումների զինծառայողները մշակել են գործողությունները օդային տարածքի պահպանության մարտական հերթապահություն իրականացնելու ընթացքում»,-ասված է հաղորդագրության մեջ:
Հերթապահ հերթափոխերի ուսումնամարզական թռիչքներն իրականացվել են 50-ից մինչև 6 հազար մետր բարձրությունների վրա` տարբեր արագություններով, ճանաչման անջատված համակարգերով։
Մարզումների ժամանակ հատուկ ուշադրություն է դարձվել Հարավային ռազմական օկրուգի միավորման տեղակայման շրջանում գտնվող օդային սահմաններն ու ստորաբաժանումները պահպանելուն։
Աղբյուրը՝ armeniasputnik.am
Հետևեք մեզ Facebook-ում