ՌԴ ՊՆ-ի հայտարարությունը՝ Արցախում և Լաչինի միջանցքում տիրող իրավիճակի մասին

Ռուս խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։ Երեսուն դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը։ Այս մասին տեղեկանում ենք ՌԴ պաշտպանության նախարարությունից։

«Ռուս խաղաղապահների հրամանատարությունը շարունակում է ադրբեջանական և հայկական կողմերի հետ Ստեփանակերտ-Գորիս ճանապարհով ավտոմոբիլային տրանսպորտի անխոչընդոտ երթևեկությունը վերսկսելու շուրջ բանակցային գործընթացը Մարտակերտի, Մարտունու, Շուշիի շրջաններում և Լաչինի միջանցքում պարեկություն է իրականացվել չորս երթուղիներով»,-ասված է հաղորդագրության մեջ։

Նշվում է, որ ռուս խաղաղապահները Գորիս-Ստեփանակերտ ճանապարհով մարդասիրական բեռներով հերթական ավտոշարասյուն են ուղեկցել։