Մեծի Տանն Կիլիկիայի կաթողիկոսությունն իր զորակցությունն է հայտնել Սիրիայի ժողովրդին. Արամ Ա-ի ուղերձը

Մեծի Տանն Կիլիկիայի կաթողիկոս Արամ Ա-ն ուղերձ է հղել երկրաշարժի հետևանքով Սիրիայում տեղի ունեցած ավերածությունների կապակցությամբ, որում հայտնել է Մեծի Տանն Կիլիկիայի կաթողիկոսության զորակցությունը Սիրիայի ժողովրդին:

«Սիրելի զաւակներ հայ ազգի, Մտահոգութեամբ եւ մօտէն կը հետեւիմ երկրաշարժին պատճառած ահաւոր քանդումներուն ու աւերին։ Սուրիոյ տագնապի ընթացքին, մեր համայնքի զաւակները մնացին կանգուն ու կազմակերպ՝ համախմբուած մեր եկեղեցւոյ ու համայնքային կառոյցներուն շուրջ։ Վստահ եմ, որ հակառակ ներկայ դժուար պայմաններուն, անոնք վերանորոգ հաւատքով ու յոյսով, պիտի շարունակեն իրենց ընտանեկան, ընկերային ու համայնքային կազմակերպ կեանքը։ Մնայուն կապի մէջ եմ Սուրիոյ հայութեան հոգեւոր ու համայնքային պատասխանատուներուն հետ։

Կը զգամ մեր հայրենակիցներուն մտահոգութիւնը ու դժուարութիւնը եւ կ՚ուզեմ վստահեցնել, որ, Մեծի Տանն Կիլիկիոյ Կաթողիկոսութիւնը պիտի շարունակէ իր ամբողջական զօրակցութիւնն ու աջակցութիւնը Սուրիոյ մեր սիրելի ժողովուրդին։ Աղօթող եմ եւ կոչ կ՚ուղղեմ մեր ժողովուրդի զաւակներուն, որ իրենք եւս աղօթեն, որպէսզի բարձրեալն Աստուած Սուրիոյ եւ Թուրքիոյ մէջ զոհուած մեր հայրենակիցներուն հոգիները լուսաւորէ, վիրաւորներուն շուտափոյթ ապաքինում պարգեւէ եւ ոյժ ու կորով շնորհէ մեր բոլոր կամաւորներուն, որոնք գիշեր-ցերեկ կ՚օժանդակեն մեր զաւակներու կարիքներուն ներկայ դժնդակ պայմաններուն մէջ։ Աստուած օրհնէ մեր ազգի բոլոր զաւակները»,-ուղերձում նշել է ԱրամԱ-ն։