Ամեն զոհի հետևում կա կոնկրետ մեղավոր, կոնկրետ պատասխանատու․ Փաշինյանի 2018 թվականի գրառումը
Ի՞նչ ասես էս մարդուն, էս մարդու մասին… Խոսքերն ավելորդ են
Պատգամավոր Արթուր Խաչատրյանը հիշեցնում է Փաշինյանի 2018 թվականի գրառումը․
«Այս տարի Զինված ուժերում երկու զոհ ունենք․ թունավորում շմոլ գազից և հակառակորդի դիպուկահարի կրակոց։ Բանակի ու առաջնագծի վերազինման մասին դիֆերամբների ֆոնին՝ առավելևս սարսափելի է։
Դեռևս նախորդ տարեվերջին գրավոր դիմել եմ ԱԺ Պաշտպանության և անվտանգության հարցերի մշտական հանձնաժողովի նախագահ Կորյուն Նահապետյանին, միջնորդելով, որ հանձնաժողով հրավիրվեն համապատասխան պաշտոնյաները և տեղի ունենա քննարկում՝ զոհերի վիճակագրության, դեպքերի քննության և դրանցից արված հետևությունների մասին։
Մենք թույլ չենք տալու, որ սա ուղղակի դառնա լրահոսի վերնագիր։ Ամեն զոհի հետևում կա կոնկրետ մեղավոր, կոնկրետ պատասխանատու և մենք պետք է գտնենք նրանց։ Սա է այս հրեշավոր լրահոսի առաջն առնելու տարբերակը»,-գրել է նա:
Հետևեք մեզ Facebook-ում