Ինչքան էլ թշնամին ուզի մեր ոգին կոտրել՝ դա երբեք չի լինի. Շուշիի պետական թատրոնի դերասան

Շուշիի Մկրտիչ Խանդամիրյանի անվան պետական թատրոնի դերասաններ Սվետա Առուստամյանն ու Արմեն Գաբրիելյանը ադրբեջանցի կեղծ բնապահպանների կողմից Բերձորի միջանցքը փակելու պատճառով չեն կարողանում հասնել իրենց ընտանիքներին: «Արցախից դեկտեմբերի 4-ին եմ եկել՝ Գյումրիում ներկայացում բեմադրելու և խաղալու համար, և պետք է հետ վերադառնայինք դեկտեմբերի 18-ին, սակայն բեմադրությունից հետո ճանապարհները քանի որ փակ էին՝ մնացինք այստեղ»,- 168.am-ի հետ զրույցում ասաց Սվետա Առուստամյանը:

Նրա փոխանցմամբ՝ իրենց մեկ շաբաթ օգնել է Շիրակի մարզպետարանը, որպեսզի մնան հյուրանոցում, իսկ սննդի հարցն իրենք են լուծում: «Դրանից հետո մեզ օգնեց Վ․ Աճեմյանի անվան դրամատիկական թատրոնի տնօրեն Լյուդվիգ Հարությունյանը. հյուրանոցի հարցը լուծեց մինչև դեկտեմբերի 29-ի համար: Վաղը չգիտենք, թե ինչ պետք է անենք»,- նշեց Սվետա Առուստամյանը:

Արցախը պահելու համար պետք է պայքարենք, որովհետև այնպես չէ, որ Արցախով սահմանափակվելու են. պատմաբան «Ալիևի ռազմավարությունն է՝ «չկան հայեր, չկան խնդիրներ». ո՞րն է մեր ռազմավարությունը». Բենիամին Պողոսյան «Աննա Հակոբյանը փաստացի պատերազմ է հայտարարում ՀՀ քաղաքացիներին». Հենրիխ Դանիելյան Անդրադառնալով թշնամու կողմից շուրջ 17 օր ճանապարհը փակ պահելու խնդրին, Սվետա Առուստամյանը նկատեց. «Ինչքան էլ թշնամին ուզի մեր ոգին կոտրել, դա երբեք չի լինի: Հայի ոգին չի կոտրվում: Հայը միշտ կա ու լինելու է: Հայը հզոր է ամեն հարցում: Արցախի ժողովուրդը եթե մեկ ամիս էլ սոված մնա՝ հաստատ ոգին չի կոտրվի: Մենք կանք ու լինելու ենք»: Շիրակի մարզպետարանի լրատվական բաժնից մեզ հայտնեցին, որ դերասաններին ընդունել է Շիրակի մարզպետը, տրվել է ֆինանսական աջակցություն և պայմանավորվածություն է ձեռք բերվել, որ եթե նոր խնդիր առաջանա՝ կընդունեն և կլսեն նրանց խնդիրը: