Ցանկացած տարածքի հանձնում կհանգեցնի պատերազմի. Արցախը պատրաստ չէ ոչ մի տարածք զիջել. Վլադիմիր Եվսեև

«Ժողովուրդ» օրաթերթը գրում է.«Հայաստան-Սփյուռք» համաժողովի ժամանակ Հայաստանի արտաքին գոր­ծերի նախարար էդվարդ Նալբանդյանը, խոսելով Լեռնային Ղարաբաղի հիմնախնդրի կարգավորման մասին, անդրադարձել էր նաև ԼՂ հարակից տարածքների վերադարձի հարցին:

«Խոսքն այն տարածքների վե­րադարձի մասին է, որոնց վերադարձի դեպքում այս ամբողջ հիմնախնդրի կարգավորմանը և անվտանգության համակարգին վնաս չի հասցվելու և սպառնալիքի տակ չի դնելու հանգուցա­լուծումը»,- պարզաբանել է Հայաստանի արտաքին գերատեսչության ղեկավարը:

Հետաքրքիրն այն է, որ ՀՀ արտաքին գերատեսչության ղեկավարի հայտարարությանը հետևեցին Արցախի պաշ­տոնյաների հայտարարությունները, ովքեր միաբերան նշում էին, թե Արցա­խում այնպիսի տարածքներ չկան, որոնց վերադարձի դեպքում անվտան­գության համակարգին վնաս չի հասց­վի: Երեկ էլ «Ամերիկայի ձայն»-ի հետ զրույցում Նալբանդյանը նշել է, թե ին­քը խոսել է հայտնի երեք սկզբունքնե­րի և վեց տարրերի մասին: Որքան էլ արտաքին գերատեսչության ղեկավա­րը փորձում է արդարանալ և սրբագրել իրեն, ռուս ռազմական փորձագետ Վլադիմիր Եվսեևը «Ժողովուրդ» օրա­թերթի հետ զրույցում նշել է, թե առանց հստակ երաշխիքների և վս­տահության ամրապնդման՝ նման քայլի դիմելը սխալ է:

-Պարոն Եվսեև, ՀՀ արտաքին գործե­րի նախարարն իր ելույթում խոսել էր այն տարածքների վերադարձի մասին, որոնք անվտանգությանը վնաս չեն հասցնելու: Որպես ռազմական փորձա­գետ՝ կարո՞ղ եք ասել՝ կա՞ն արդյոք Ար­ցախում նման տարածքներ:

-Իհարկե, այդպիսի տարածքներ չկան, քանի որ հենց անվտանգության նկատառումներից ելնելով՝ ամեն ինչ կազմված է, գրված և թեկուզ փոքր խաթարումը կարող է ավելի վատ հե­տևանքների հանգեցնել: Կարծում եմ, որ առկա իրավիճակի, Ադրբեջանի հռետորաբանության և վարքագծի ֆոնին ցանկացած տարածքի հանձնում կհանգեցնի բացառապես իրավիճակի էլ ավելի թեժացման և մարտական գործողությունների վերսկսման, ինչը Ռուսաստանի համար անթույլատրելի է: Եվ ես ինչքանով հասկացա, Արցախը պատրաստ չէ ոչ մի տարածք զիջել»:

Ավելի մանրամասն` «Ժողովուրդ» օրաթերթի այսօրվա համարում: