Հայ-ադրբեջանական խնդրի մասով համաձայնություն ձեռք բերելուց առաջ կողմերի մոտեցումները չենք մեկնաբանի
Հավաքական անվտանգության պայմանագրի կազմակերպությունը (ՀԱՊԿ) միշտ եղել և մնում է բաց` շահագրգիռ երկրների, միջազգային կառույցների հետ հարաբերություններում և պատրաստ է նման երկխոսություն կառուցել իրավահավասար, հարգալից հիմունքներով։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Կան մի շարք ակնհայտ ոլորտներ, որտեղ նման համագործակցությունը օգտակար կլինի: Մենք խոսում ենք միջազգային մարտահրավերներին և սպառնալիքներին դիմակայելու մասին, ներառյալ միջազգային ահաբեկչությունը, թմրամիջոցների ապօրինի շրջանառությունը, տեղեկատվական անվտանգությունը։ Կան նաև այլ կարևոր ոլորտներ, որտեղ ջանքերի միավորումը չափազանց պահանջված կլինի եվրասիական տարածքում խաղաղության և անվտանգության պահպանման տեսանկյունից»,- ասել է Զախարովան։
ՌԴ ԱԳՆ պաշտոնական ներկայացուցչի խոսքով՝ ժամանակին համագործակցության կոչ է ուղարկվել նույնիսկ ՆԱՏՕ-ին, սակայն առաջարկը մնացել է անպատասխան։
Նա հիշեցրել է, որ 2021 թվականին ՀԱՊԿ-ում ուժի մեջ են մտել նորմատիվ փաստաթղթեր, որոնք հաստատում են ՀԱՊԿ-ին կից դիտորդի և կազմակերպության գործընկերոջ կարգավիճակը։
Զախարովայի խոսքով` դա հնարավորություններ է ստեղծում կառույցի աշխատանքում ներգրավելու շահագրգիռ ինտեգրացիոն ասոցիացիաներին և պետություններին այդ կարգավիճակներից մեկով։
Զախարովան ընդգծել է, որ կառույցն իր առաջնահերթ գործընկերների թվում տեսնում է ԱՊՀ-ին և ՇՀԿ-ին։
Աղբյուր՝ «Սպուտնիկ Արմենիա»
Հետևեք մեզ Facebook-ում