Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորումն այլընտրանք չունի

Ի տարբերություն Ադրբեջանի, Արցախի կարծիքով, ղարաբաղյան հակամարտության խաղաղ կարգավորմանը այլընտրանք չունի, այս մասին Երևանում անցկացվող «Փոխադարձ վստահություն, միասնականություն և պատասխանատվություն» վեցերորդ համաժողովի ընթացքում ասել է Արցախի Հանրապետության արտաքին գործերի նախարար Կարեն Միրզոյանը։

«Այնուամեյնանիվ` այս գործընթացը չի կարող միակողմանի լինել։ Մեր սկզբունքային դիրքորոշումն այն է, որ կարգավորումը պետք է հիմնված լինի խաղաղության և ժողովուրդների ինքնորոշման իրավունքի վրա», – ավելացրել է Միրզոյանը։

Նա նշել է, որ հակամարտության կարգավորումը ոչ միայն թույլ կտա ապահովել հայկական երկու պետությունների խաղաղ ու անվտանգ զարգացումը, այլ նաև զգալիորեն կբարելավի անվտանգությունն ամբողջ տարածաշրջանում։

«Չնայած հայկական երկու պետությունների ջանքերին, որոնք օգտվում են միջազգային հանրության, այդ թվում` Մինսկի խմբի համանագահների աջակցությունից, Ադրբեջանը անընդատ փորձում է հակամարտությունը լուծել իր օգտին` բռնելով ռազմական ճանապարհ», – ասել է Միրզոյանը։

Նրա խոսքով, իր քայլերով, մասնավորապես, 2016 թվականի ապրիլյան ագրեսիայից հետո,Ադրբեջանն ավելացրել է լարվածությունը հակամարտության գոտում` հետևողական քայլեր ձեռնարկելով Արցախը մեկուսացնելու համար։

«Ադրբեջանը սանձազերծել է սպառազինության մրցավազք, ինչն անհանգստացնող փաստ է ոչ միայն հայկական երկու պետությունների, այլ նաև տարածաշրջանի անվտանգության համար։ Ստեղծված իրավիճակում մենք ստիպված ենք ավելի մեծ ուշադրություն դարձնել բանակի կատարալեգործմանը ու արդիականացմանը, որ կարողանանք դիմադրել Ադրբեջանի ռազմատենչ նկրտումներին»,– ասել է Միրզոյանը։

Նա ավելացրել է, որ տվյալ ուղղությամբ ձեռնարկվող քայլերը թույլ են տվել արդեն էականորեն բարելավել իրավիճակը։

Zham.am