Հայկական ատոմակայանի նոր էներգաբլոկը պետք է 2036 թվականին պատրաստ լինի շահագործման. փոխնախարար
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Դիտել նաև
Առաջիկա ժամերին Ատոմակայանը կսկսի աշխատել ամբողջական հզորությամբ
Նոր ատոմակայանի կառուցման դիլեման
Բաքուն պատրաստում է էկոլոգիական և էներգետիկ պատերազմ սկսել Հայաստանի դեմ. Փաշինյանի թիմն էներգետիկ ճգնաժամի մեջ է գցելու երկիրը շատ մոտ ապագայում
ՀԱԷԿ-ի թիվ 2 էներգաբլոկի 2 տուրբագեներատորներ միացել են ՀՀ միասնական էներգահամակարգին
Ատոմակայանի 2-րդ էներգաբլոկի շահագործման ժամկետը կերկարաձգվի
Հայաստանը մտադիր է 2036 թվականին ունենալ ատոմակայանի նոր էներգաբլոկ ու այն ամբողջությամբ շահագործել, քննարկվում է 1000 կամ 1200 ՄՎտ հզորությամբ բլոկ կառուցելու տարբերակը, ներկայում աշխատանքներ են տարվում նոր բլոկի տեխնիկատնտեսական հիմնավորման ուղղությամբ: Ինչպես հայտնում է «Արմենպրես»-ի թղթակիցը, այս մասին ասաց ՀՀ տարածքային կառավարման և ենթակառուցվածքների փոխնախարար Հակոբ Վարդանյանը Սոչիում «Ատոմէքսպո» միջազգային ֆորումի շրջանակում լրագրողների հետ ճեպազրույցում:
Փոխնախարարը հայտնեց, որ որոշակի փաստաթղթեր արդեն ստորագրվել են, օրինակ՝ նոր բլոկի կառուցման հուշագիրը «Ռոսատոմ»-ի հետ, կան հանդիպումների արձանագրություններ, գործողությունների ծրագիր: Հիմա աշխատանքներ են տարվում նոր բլոկի նախնական տեխնիկատնտեսական հիմնավորման ուղղությամբ:
«Այս պահին քննարկվում է 1000 կամ 1200 ՄՎտ-անոց բլոկների տարբերակը: Նախնական տեխնիկատնտեսական աշխատանքները կատարվում են հենց նրա համար, որ հասկանանք, թե արդյոք այդ բլոկները հնարավո՞ր է համատեղել մեր էներգահամակարգի հետ»,-ասաց Վարդանյանը:
Հիմա մասնագետներն ուսումնասիրություններ են կատարում, և միայն դրանից հետո վերջնական որոշումը կլինի: Փոխնախարարը չբացառեց, որ ուսումնասիրության արդյունքում կարող են կանգ առնել նույնիսկ ավելի փոքր հզորության բլոկի կառուցման վրա: Սակայն սկզբնական ցանկությունը 1000 կամ 1200 ՄՎտ հզորությամբ բլոկներն են:
Իսկ ինչ վերաբերում է ժամկետներին՝ փոխնախարարն ասաց. «2036 թվականին նոր էներգաբլոկն արդեն պատրաստ պետք է լինի ամբողջական շահագործման: 2034-2035 թթ ցանց մտնելու փորձարկումները պետք է արդեն կատարվեն, որպեսզի 2036 թվականին՝ երկրորդ էներգաբլոկի կանգնելուն զուգահեռ, սկսի շահագործվել ամբողջությամբ նոր էներգաբլոկը: Դա նշանակում է, որ առնվազն 1 տարի այն պետք է փորձարկումների փուլն անցած լինի»:
Այսպիսով՝ թիրախ է 2036 թվականին նոր էներգաբլոկ ունենալը, դա ամրագրված է:
Մինչև չավարտվեն նախնական տեխնիկատնտեսական հիմնավորումները, վաղ է խոսել ֆինանսավորման մասին: «Սակայն աշխարհում ընդունված պրակտիկա է՝ ֆինանսական միջոցների ներգրավումը լինում է այն երկրից, որի տեխնոլոգիան օգտագործում ենք: Շատ բարդ է պատկերացնել, օրինակ, ռուսական տեխնոլոգիայով նոր ատոմակայանի կառուցումն այլ երկրի ֆինանսավորմամբ: Որևէ մասնավոր ֆինանսական կառույց չի կարող նման խոշորամասշտաբ ծրագիր ֆինանսավորել՝ առանց պետության օգնության: Եվ բնական է՝ եթե կառուցենք ռուսական դիզայնով ատոմակայան, ուրեմն կլինի նաև ռուսական ֆինանսավորում»,-հավելեց Վարդանյանը:
Վարդանյանը վստահեցնում է, որ առաջ են շարժվում ըստ ժամանակացույցի: Օրինակ` հիմա ևս հանդիպումներ, քննարկումներ են նախատեսված, և «Ատոմէքսպո»-ի հարթակը օգտագործում են հենց այդ նպատակով: Հայկական պատվիրակությունը ֆորումի շրջանակում հանդիպումներ է ունենալու «Ռոսատոմ»-ի ղեկավարության հետ, քննարկելու են ինչպես նոր էներգաբլոկի կառուցման հետ կապված, այնպես էլ ատոմակայանի երկրորդ էներգաբլոկի շահագործման ժամկետի կրկնակի երկարաձգման հետ կապված հարցերը: Հաջորդ հանդիպումը նախատեսված է դեկտեմբերի վերջին:
Հետևեք մեզ Facebook-ում