Ոչ ոք և ոչինչ ՔՐԻՍՏՈՆՅԱ ՀԱՅԱՍՏԱՆԻՆ չի կարող ծնկի բերել Տիտանյան Բելի (իմա նեռ) կռապաշտության առաջ

ՀԱՅԱՍՏԱՆԸ Դրախտի և Արարատի երկիրն է, ՀԱՅԱՍՏԱՆ աշխարհ իջավ Աստծո Միածին Որդին՝ մեր Տեր Հիսուս Քրիստոս, իջավ ու եկավ ոչ թե խաչվելու, այլ Իր Սուրբ Տաճարը կերտելու:

Արդ, այնտեղ, որտեղ Արարիչն Աստված կառուցեց՝ մարդը չի կարող ավերել ու կործանել: Հոգ չէ, որ այսօր մեր Սրբազան Երկրում շրջում են օտար հողմեր ու քամիներ. սրանք լոկ շրջում են: Թող դեռ շրջեն, թող դեռ սուլեն ու գոչեն. ի սկզբանե վճռված է, որ սրանց երբեք չի հաջողվելու մեր աստվածակերտ տապանի երթուղին շրջել:

Ոչ ոք և ոչինչ ՔՐԻՍՏՈՆՅԱ ՀԱՅԱՍՏԱՆԻՆ չի կարող ծնկի բերել Տիտանյան Բելի (իմա նեռ) կռապաշտության առաջ:

ՔՐԻՍՏՈՆՅԱ ՀԱՅՔԸ խորտակել է այդ չարածին Բելին, խորտակելու է նաև դրա ձեռագործ արձանը:

Չխաբվենք, սիրելիներ, մեզ «փրկել» կամեցող կեղծավորները միմիայն մեր վերջն են տենչում: Թող այդ «փրկիչները» գնան իրենց տներում իրենց ժողովուրդներին փրկեն, որոնք խարխափում են նյութապաշտության խավարում՝ ուրացած հավատք ու սրբություն:

Մենք Աստծո ժողովուրդ ենք և մեր բազկի ու մտքի զորությամբ, որ աստվածային ուժն է, կհաղթահարենք ամեն փորձություն և կշարունակենք մեր հավիտենական երթը:

Քաջ հիշենք, որ Արեգակը ծնվում է արևելքում. արևմուտքը լոկ խավար է: ԵՂԻՑԻ ԼՈՒՅՍ:

Հայր Ասողիկ Կարապետյանի ֆեյսբուքյան էջից