Չափազանց կարևոր որոշում Արքա Մադաթյանի գործով. Կոչուբաև
Քրեական վերաքննիչ դատարանը /դատավոր Արմեն Դանիելյան/ իմ պաշտպանյալ Արքա Մադաթյանի գործով օրինական ուժի մեջ թողեց առաջին ատյանի դատարանի որոշումը, որով Արքա Մադաթյանի նկատմամբ կիրառվել է խափանման միջոց գրավը։
Հիշեցնեմ, որ Արքա Մադաթյանը դարձել է դատական ատյանների «սիրախաղերի» զոհ։ Այսպես՝ Արքա Մադաթյանի նկատմամբ առաջին ատյանը կիրառել էր կալանք, որը բեկանվել էր վերաքննիչի կողմից և կիրառվել գրավ, որից հետո Վճռաբեկ դատարանը Արքա Մադաթյանի գործով տվեց վերաքննիչ ատյանի կողմից ներկայումս որպես կացին օգտագործվող դիրքրոշումն առ այն, որ բոլոր այն դեպքերում, երբ առաջին ատյանը հանդես է գալիս որեպես վարույթն իրականացնող մարմին՝ դատական ակտը բեկանելիս պետք է կիրառվի ավելի բարձր ստանդարտ և, որպես կանոն, վեաքննիչ բողոքները մերժելու հիմքում դրվում է հենց այս որոշումը։ Վճռաբեկի կողմից դիրքորոշումը տալուց հետո, ներկայացված գրավի միջնորդությունը առաջին ատյանի կողմից մերժելուց հետո վերաքննիչը կրկին բեկանում է դատական ակտը կիրառելով խափանման միջոց գրավը, որից հետո Վճռաբեկը կրկին բեկանում և օրինական ուժ է տալիս առաջին ատյանի որոշմանը։
Այս ամենից հետո առաջին ատյանի դատարանը կիրառում է խափանման միջոց գրավը, որը դատախազության կողմից բողոքարկվում է։ Հենց այս դատական ակտն էլ Ա․ Դանիելյանը թողեց օրինական ուժի մեջ։ Սպասենք վճռաբեկի հերթական որոշմանը։ Գործը քննվում է 3 տարի, որի ընթացքում Արքա Մադաթյանը կալանավորվել ազատ է արձակվել և գրեթե կեսը անցկացրել է ազատության մեջ։
Փաստաբան Ալեքսանդր Կոչուբաևի ֆեյսբուքյան էջից
Հետևեք մեզ Facebook-ում