ԴԱՇՆԱԿՑԻ ԵՎ ՕՏԱՐԵՐԿՐՅԱ ԼԾԻ ՄԱՍԻՆ

• Մի երկրում, որի դե-ֆակտո ղեկավարը հայտարարում է, որ Սև լճի 30%-ի և կլոր տարին ձյունապատ Իշխանասարի համար պատերազմ չի վարելու, մի երկրում, որի գլխավոր օլիգարխը հայտարարում է, որ իրենք միլիարդներ են բերել երկիր, բայց պատերազմ չեն վարելու, մի երկրում, որի դե-ֆակտո ԱԺ ղեկավարն ասում է, որ թշնամին ցանկանում է բնաջնջել մեզ, բայց մենք ռազմական դրություն չենք մտցնում, մարդիկ վրդովված են, որ այլ ռազմաճակատներում նեղ դրության մեջ ընկած դաշնակիցը զենք չի տալիս կամ մեր փոխարեն չի պատերազմում։ Եթե դու չես ուզում պատերազմել, նոր զենքն ի՞նչ ես անում։ Հնուց մնացած «Իսկանդերը» քանի՞ անգամ կիրառվեց, որ նոր զենքն էլ կիրառվի։

 

• Թվում է, թե ամեն ինչ պարզ է, բայց քննադատության ամբողջ թիրախն ուղղված է հենց դաշնակցին, ոչ թե խնդրի սկզբնապատճառ հայաստանյան դե-ֆակտո իշխանություններին։ Իսկ պատճառն այն է, որ թիրախներ ուղղող ենթակառուցվածքը՝ մեդիան, գերազանցապես ստեղծվել և տնօրինվում է մեր դաշնակցի աշխարհաքաղաքական թշնամիների կողմից, որոնք իրենց շահերից բխած քարոզչություն են վարում։

 

• Իսկ ճշմարիտ #հայկականօրակարգ'ը մնում է անտեսված։ Այս մտահոգությունից ելնելով՝ դեռ 3.5 ամիս առաջ մենք ստեղծել ենք Հայկական ալիք էլեկտրոնային պարբերականը, որտեղ ճիշտ դիտանկյունից ենք ներկայացնում իրադարձությունները։ Ի վերջո, եթե չունես ինքնիշխան մեդիա, չես ունենա նաև ինքնիշխան քաղաքական միտք, ինքնինշխան քաղաքական ազգ և կհայտնվես օտարների լծի տակ։