Քսենիա Սոբչակն ուզում է Ռուսաստանի նախագա՞հ դառնալ. Պուտինն արձագանքել է

Ռուսաստանի նախագահ Վլադիմիր Պուտինն արձագանքել է Քսենյա Սոբչակի` նախագահական  ընտրությունների մասնակցության մասին տեղեկությանը:

Նա ասել է, որ համաձայն օրենքի յուրաքանչյուր մարդ կարող է իր թեկնածությունը ներկայացնել նախագահական ընտրություններում, և Քսենյա Սոբչակն այստեղ բացառություն չէ: «Ես հարգել և հարգում եմ Քսենյայի հորը, կարծում եմ, որ նա ժամանակակից ռուսական պատմության լավագույն գործիչներից է, բայց երբ խոսքը վերաբերվում է նախագահական ընտրություններին, անձնական հարաբերությունները չեն կարող որևէ դեր կատարել: Ամեն ինչ կախված է նրանից, թե ինչ ծրագիր կներկայացնի Քսենյան, եթե իսկապես որոշել է մասնակցել, դրանից էլ կախված կլինի նրա հաջողությունը կամ էլ` պարտությունը», -Պուտինի խոսքերը մեջբերել է «Ведомости»-ն:

Zham.am