«Սա քրեական գործ չի, սա քրեական վարույթ չի, սա ուղղակի վրեժխնդրություն է». Արթուր Սարգսյանի նամակը՝ ՔԿՀ-ից Հրաժեշտ Վարդան Բոստանջյանին Ռուբեն Հակոբյանին գիշերը շտապ օգնությամբ բանտից տարել են հիվանդանոց, հետո վերադարձրել բանտ
18
Ի՞նչ է սպասվում ռուս-ադրբեջանական վատթարացող հարաբերություններից, և ինչ հետևանքներ դա կունենա Հայաստանի համար «Ոչ մի Ղրիմի վերադարձ և ՆԱՏՕ-ին Ուկրաինայի անդամակցություն»․ Թրամփ Փեզեշկիանին Իրանում անվանում են իրանական «Փաշինյան». ինչ են իրար հետ քննարկելու հայ և իրանցի «Փաշինյանները» Մեդվեդևը նշել է Պուտինի և Թրամփի՝Ալյասկայում հանդիպման հինգ հիմնական արդյունքներն Ռուսաստանի համար Միայն վախեցած մարդը կարող է տեսանյութ հրապարակել, որտեղ ուզենա ցույց տալ, որ կարող է կնոջ հետ միայնակ քայլել փողոցներով.(տեսանյութ) «Թալանելը նորաձև է»․ Անդրանիկ Թևանյան Թրամփը Պուտինի հետ հանդիպմանը գնաց՝ Ալիևին ու Փաշինյանին իր գրպանում ունենալով․ Անդրանիկ Թևանյան (տեսանյութ) Ի՞նչ են ցույց տալիս Պուտին-Թրամփ հանդիպման առաջին արդյունքները Թրամփ-Պուտին հանդիպումը տևել է երեք ժամ․ նրանք հանդես են եկել համատեղ մամուլի ասուլիսով (տեսանյութ) Թրամփ-Պուտին հանդիպումը Ալյասկայում Պատերազմ Արցախում
Ի՞նչ է սպասվում ռուս-ադրբեջանական վատթարացող հարաբերություններից, և ինչ հետևանքներ դա կունենա Հայաստանի համար Թանկացումների «քավոր» Ավինյանը մոռացել է ԱՆԻՖ-ի նախկին տնօրեն Դավիթ Փափազյանը՝ միջազգային սկանդալի կենտրոնում. «Հետք» Սա ոչ թե «կյանքի ու խաղաղության ցնծություն» է, այլ սահմռկեցուցիչ հակադրություն իրականությանը «Սա քրեական գործ չի, սա քրեական վարույթ չի, սա ուղղակի վրեժխնդրություն է». Արթուր Սարգսյանի նամակը՝ ՔԿՀ-ից Համարում ենք, որ կալանքը կարող է փոխարինվել այլընտրանքային միջոցներով․ հայտարարություն «Իրանը շուտով կդառնա միջուկային տերություն»․ ԻՀՊԿ Օդի ջերմաստիճանն աստիճանաբար կբարձրանա 4-6 աստիճանով «Ոչ մի Ղրիմի վերադարձ և ՆԱՏՕ-ին Ուկրաինայի անդամակցություն»․ Թրամփ Փեզեշկիանին Իրանում անվանում են իրանական «Փաշինյան». ինչ են իրար հետ քննարկելու հայ և իրանցի «Փաշինյանները» Մահացել է տնտեսագետ Վարդան Բոստանջյանը Հրաժեշտ Վարդան Բոստանջյանին Ռուբեն Հակոբյանին գիշերը շտապ օգնությամբ բանտից տարել են հիվանդանոց, հետո վերադարձրել բանտ Մեդվեդևը նշել է Պուտինի և Թրամփի՝Ալյասկայում հանդիպման հինգ հիմնական արդյունքներն Ռուսաստանի համար Միայն վախեցած մարդը կարող է տեսանյութ հրապարակել, որտեղ ուզենա ցույց տալ, որ կարող է կնոջ հետ միայնակ քայլել փողոցներով.(տեսանյութ) Երեկ տեղի է ունեցել ակնհայտ խտրականություն՝ հենց կրոնական հիմքով․ Ռուբեն Մելիքյան Զելենսկին երկուշաբթի կհանդիպի Թրամփի հետ Պուտինի հետ հանդիպումը շատ լավ անցավ․ Թրամփ Համաձայնագիրը պարզապես կանաչ լույս է Բաքվին՝ նոր հարձակումների համար․ ՀՅԴ «Թալանելը նորաձև է»․ Անդրանիկ Թևանյան Երգիչ Արթուր Խաչենցը ամուսնացել է Նույնիսկ նիկոլական ժամանակներում եվրոպական կառույցներն իրենց ճղում էին, որ խոսքի համար չի կարելի անձին զրկել ազատությունից. Ռուբեն Մելիքյան ԱՄՆ օրենքները խախտելը կարող է լուրջ հետևանքներ ունենալ ուսանողական վիզայի վրա. դեսպանատուն Թրամփը Պուտինի հետ հանդիպմանը գնաց՝ Ալիևին ու Փաշինյանին իր գրպանում ունենալով․ Անդրանիկ Թևանյան (տեսանյութ) Նիկոլն անձնական վրեժխնդրության հարց է լուծում Միքայել Սրբազանին կալանավորելով Ադրբեջանում տեղի ունեցած երկրաշարժը զգացվել է Հայաստանի մի շարք գյուղերում Հայտնաբերվել է երիտասարդ տղայի մարմին, կողքին՝ ինքնաձիգ Զելենսկին երկուշաբթի կհանդիպի Թրամփի հետ Աննա Հակոբյանի կրթարշավը պոպուլյար չէ Ի՞նչ են ցույց տալիս Պուտին-Թրամփ հանդիպման առաջին արդյունքները

Եթե սկսվել է պատերազմ, ուրեմն ՀՀ ղեկավարությունը սխալվել է քաղաքական հաշվարկներում. Վարդան Օսկանյան

Թերևս այլևս լրացուցիչ փաստերի կարիք չունենք արձանագրելու, որ Հայաստանի՝ 2018-ին ձևավորված իշխանությունները դիվանագիտության ու միջազգային հարաբերությունների մասին տարրական գիտելիքներից շատ հեռու էին ու շարունակում են այդպիսին մնալ։ Չնայած դավադրությունների տեսություններին՝ ես շարունակում եմ վստահ լինել, որ հենց այդ հանգամանքն է մեր ունեցած և դեռ շարունակվող մարդկային ու տարածքային կորուստների հիմնական պատճառը։

Նիկոլ Փաշինյանի դիվանագիտական առաջին սխալն այն էր, որ նա երկրի ներսում նորաստեղծ իշխանությունների դիրքերը կայունացնելու և ամրացնելու համար Ալիևի հետ առաջանագծում չկրակելու համաձայնություն ձեռք բերեց, ինչը ադրբեջանական կողմը լիովին կատարեց։

Առաջին հայացքից կարող է թվալ, թե սա անմեղ, նույնիսկ հնարամիտ քայլ էր։ Սակայն դա դիվանագիտական առաջին կոպիտ վրիպումն էր, որը և ադրբեջանական կողմի մոտ ձևավորեց սահմանին անդորրի դիմաց Հայաստանի կողմից կարճ ժամանակում զգալի զիջումների ակնկալիքներ։

Պատերազմների պատճառը մշտապես լինում է հակամարտող կողմերի ակնկալիքների հետևողական ձևավորումը և վերջում դրանց ձգձգումը, դրժումը կամ չբավարարումը։

Փաշինյանի երկրորդ սխալն այն էր, որ նա ամբողջությամբ արհամարհեց մինչ այդ եղած բանակցային բոլոր փուլերը և համապատասխան փաստաթղթերը՝ հայտարարելով, թե բանակցություններն սկսելու է իր զրոյական կետից։ Սա հենց Ադրբեջանի ցանկությունն էր, ինչը հնարավորություն էր ստեղծում ձերբազատվելու իր համար բանակցային փաստաթղթերում տեղ գտած անցանկալի, բայց միջնորդների կողմից ընդունված դրույթներից և հիմնարար սկզբունքներից, ինչպես օրինակ՝ Արցախի ինքնորոշման իրավունքից՝ միաժամանակ ի ցույց դնելով միջնորդներին և ավելի լայն շրջանակի երկրներին հայկական կողմի անլրջությունը և անվստահելիությունը ձեռք բերված պայմանավորվածությունների նկատմամբ։

Փաշինյանի երրորդ դիվանագիտական ձախողումը նրա՝ մի կողմից Ղարաբաղյան հարցում հստակ դիրքորոշման ու քաղաքականության բացակայությունն էին, մյուս կողմից՝ այդ հարցում իրարամերժ ու հակասական հայտարարությունները։ Սկզբում՝ անորոշ և քաոսային մտքեր, հետո՝ պնդումը, թե հարցի լուծումը պետք է ընդունելի լինի Հայաստանի, Արցախի և Ադրբեջանի ժողովուրդների համար։ Եվ վերջապես՝ «Արցախը Հայաստան է և վերջ» արտահայտությունը։ Ես կարծում եմ՝ նրա հենց այս մտքերի խորը հակասություններն էին, որ Ադրբեջանին առիթ տվեցին պատճառաբանելու բանակցային ճանապարհով հարցը լուծելու անհնարինությունը և որոշակիորեն արդարացնելու պատերազմի հրահրումը։

Չկա պատերազմ, որից հնարավոր չէ խուսափել։ Հակառակի պնդումը քաղաքական անզորությունն ու անգործությունն արդարացնող կեղծ ու վտանգավոր կանխավարկած է։ Եթե սկսվել է պատերազմ, որից մենք կուզեինք խուսափել, ուրեմն Հայաստանի ղեկավարությունը սխալվել է քաղաքական պարզ հաշվարկներում և ձախողել է բանակցային գործընթացում։

Դժբախտաբար, այս միտումը և դիվանագիտական սխալների շքերթը շարունակվում է՝ մեզ պատճառելով նորանոր, բայց միանշանակ խուսափելի մարդկային և տարածքային կորուստներ։

Ուժի առաջ անզոր լինելու ֆատալիզմը և դիվանագիտական տարրական հմտության բացակայությունը հանգեցնում է՝ «ամեն ինչին համաձայնենք, պրծնենք» մտածողությանը։ Այլ կերպ հնարավոր չէ բացատրել, թե ինչպես կարելի էր հետպատերազմյան շրջանում Ադրբեջանի առաջարկած հետագա բանակցային օրակարգի հինգ կետերը միանգամից՝ վարչապետի և արտգործնախարարի մակարդակով՝ առանց անգամ բանակցություններ սկսելու, ամբողջությամբ ընդունելի համարել։

Մինչդեռ պատասխանը կարող էր շատ պարզ ձևակերպվել ի շահ Հայաստանի։ Մոտավորապես այսպես.

«Ձեր իրավունքն է բանակցային օրակարգ բերել ցանկացած հարց, և հայկական կողմը չի խուսափելու դրանք քննարկելուց։ Ուստի ելնելով նույն տրամաբանությունից և ունենալով նման ակնկալիք ձեզանից՝ ներկայացնում ենք հայկական կողմի օրակարգային հարցերը.

– ԼՂԻՄ-ի ապագա կարգավիճակը,

– Շուշիի և Հադրութի ճակատագիրը՝ որպես ԼՂԻՄ-ի անբաժանելի մաս,

– Ադրբեջանում պահվող հայ ռազմագերիների վերադարձի հարցը,

– ադրբեջանական զինված ուժերի դուրսբերումը Հայաստանի ինքնիշխան տարածքից,

– Մինսկի խմբի բանակցային ձևաչափի վերականգնման հնարավորութլունը,

– Ղարաբաղում տեղակայված խաղաղապահ ուժերի ժամկետների հարցը,

– այլ հարցեր»։

Առաջարկված այս օրակարգում չկա որևէ հարց, որը կարող է հարուցել դիվանագիտական և ռազմական անսպասելի հակազդեցություն։ Այս օրակարգը միանշանակ հասկանալի և ընկալելի է միջնորդ կողմերին։ Սրա բացակայությունն է, որ զարմանք է առաջացնում բոլոր նրանց մոտ, ովքեր դեռ չեն հավատում, որ նույնիսկ սա ձևակերպելու հմտություն ներկա իշխանությունը չունի։

Այսօր հայկական դիվանագիտության առաջնային խնդիրն է հավասարակշռված օրակարգով մտնել երկարատև բանակցությունների մեջ։

Դիվանագիտությունը անվերջ հնարավորությունների հարթակ է։ Ամենաանհույս իրավիճակներում անգամ հնարավոր է ինչ-որ բան շտկել, սրբագրել։ Ֆատալիզմը իրական անզորության հետ առնչություն չունի։ Դա հմտությունների, գիտելիքների, փորձի բացակայության և սեփական սխալները չընդունելու, խորհուրդներին ականջալուր չլինելու համառության համադրությունն է։ Հենց սրան ենք արդեն երեք տարուց ավելի ականատես լինում։ Ու բացառապես սրա արդյունքում ենք բախվում անվերջանալի կորուստների։

Վարդան Օսկանյան

Հայաստանի նախկին արտգործնախարար

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan