90 մլն Ալեն Սիմոնյանի մեքենայի համար, 21 մլն՝ Արայիկ Հարույթյունյանի վերելակի, 1900 դրամ՝ թոշակառուներին

Կառավարության նիստում հայտնի դարձավ, որ սեպտեմբերի 1-ից կենսաթոշակների ու նպաստների չափերը կավելանան: Այսպես նվազագույն կենսաթոշակի չափը կկազմի 30 500 դրամ 28 600 դրամի փոխարեն: Այսինքն կավելանա 1900 դրամով, մոտ 7 տոկոսով:

Թե ինչ կարող է փոխել այդ գումարը թոշակառուի կյանքում, դժվար է ասել, բայց այստեղ նաև այլ հարց է առաջանում, արդյոք կառավարությունը գումար չուներ ավելի շատ բարձրացում անելու համար: Այս հարցին պատասխանելու համար եկեք վերհիշենք վերջին շրջանում կառավարության արած որոշ հատկացումներ:

Կառավարությունը 90 մլն դրամ հատկացերց Ազգային ժողովի նախագահ Ալեն Սիմոնյանի համար BMW 750Li xDrive LCI դասի մեքենա ձեռք բերելու համար:

Կառավարության պահուստային ֆոնդից 21,5 մլն դրամ կհատկացնի փոխվարչապետի և աշխատակազմի ղեկավարի՝ Արայիկ Հարությունյանի ընդունարան տանող վերելակի փոխարեն նորը գնելու համար:

Ոստիկանները մայիսին ավելի քան 3 մլրդ դրամ պարգևավճար են ստացել:

Կառավարությունը 2,5 մլն դրամ կհատկացնի՝ մաքսային աշխատողի հագուստի էսքիզը մշակելու համար: Կառավարությունը ՊԵԿ-ին 229.9 մլն դրամ հատկացրեց համակարգիչ ձեռք բերելու համար:

Կառավարությունը Գառնու տաճարի մոտ համերգի կազմակերպման համար 471 հազար դոլար է հատկացրել

Աղբյուր` yerevan.today