ԱՊԱՑՈՒՑՎԵՑ ՄԵՐ ԵՎՍ ՄԵԿ ԿԱՆԽԱՏԵՍՈՒՄ. Տեսանյութ

• Դեռ ամիսներ առաջ մենք Հայկական նախագիծ / Armenian Projectում մոդելավորել էինք ՀՀ դե-ֆակտո թուրքական իշխանությունների և Թուրքիայի բանակցությունների բովանդակությունը։ Դրա խտացված արդյունքները ես ներկայացրի մարտի 21-ին դե-ֆակտո ԱԺ-ում խորհրդարանական լսումների ժամանակ՝ ասելով, որ թուրքերի խորհուրդն իրենց հայաստանյան հպատակներին այն է, որ «ռուսները չեն կարա Ադրբեջանի վրա ազդել, դուք մեր հետ խոսացեք՝ մեծի»։

 

• Երեք օր առաջ ոմն առանձնյակ՝ Արման Բաբաջանյան անունով, որի արևմտյան, նույնն է թե՝ թուրքական, ազդեցության միավոր լինելը պարզ է, ինչպես Եվկլիդեսյան աքսիոմները, ասել է․ «… Թուրքիայի օգնությամբ ստեղծվի խողովակ խոսակցության Ալիևի հետ, և ռուսների ներգրավվածությանը կոնֆլիկտում… այլևս տուրք չտրվի» (https://www.youtube.com/watch?v=5Ohfi0tR0R4)։

 

• Մասնագիտության բերումով մեզ պետք չեն «ներսից տեղեկություններ», «մեջի մարդ ա ասել» և տարատեսակ այլ «ինֆոներ»՝ հասկանալու, թե ինչ է կատարվում մեր շուրջ։ Տարածաշրջանային պատմական և քաղաքագիտական երևույթների, ինչպես նաև արևմտյան նեոգաղութատիրության գործելաոճի իմացությունը հազար «ինֆո» արժե։

 

• Պարզապես պետք է ցանկություն ունենալ իրականությունը տեսնելու, ոչ թե ջայլամ դառնալու։ Մենք և մեր ընթերցողներն ունենք այդ ցանկությունը։

 

• Կից՝ ԱԺ-ում ելույթս։