Շատ խորհրդանշական է՝ ամեն անգամ, երբ սրանք Խաչատուրովների հետևից են ընկնում, մի ստոր բան հետևում է դրան. քաղաքագետ

Քաղաքագետ, «Ոսկանապատ» վերլուծական կենտրոնի հիմնադիր Հրանտ Մելիք-Շահնազարյանը գրում է.

«Երեկ Խաչատուրով Իգորի ծնունդն է։ Ինքը հիմա բանտարկված է։ Բանտարկված է ոստիկանների կեղծ ցուցմունքի հիման վրա։ Արդեն որքան ժամանակ է նիկոլ պաշտպանող իրավապահներն Իգորի հանցանքն ապացուցող գոնե մեկ փաստ են փնտրում, բայց չեն գտնում։ Չեն էլ կարող գտնել։ Պատճառը մեկն է՝ ի տարբերություն իրենց՝ Իգորը պայքարող մարդու ազնիվ տեսակն է։ Ինքը նույնիսկ նիկոլների դեմ է ազնիվ պայքարում։ Դրա համար էլ հաղթում է։

Գիտե՞ք, քանի առիթը կա, ուզում եմ մի քիչ անկեղծանալ։ Փոքր էի շատ, երբ հայրս առաջին անգամ պատմեց Արտաշեսի ու Սաթենիկի լեգենդը։ Հետո շատ ենք քննարկել այդ լեգենդը ու լավ եմ հիշում այդտեղից ստացած իմ ամենակարևոր դասը՝ ահա այս հատվածը.

Զի վասն միոյ քինու ոչ է օրեն դիւցազանց`
Զայլոց դիւցազանց զարմից
Բառնալ զկենդանութիւն
Կամ ծառայեցուցանելով
Ի ստրկաց կարգի պահել
Եւ թշնամութիւն յաւիտենական
Ի մէջ երկոցունց ազգաց քաջաց հաստատել:

Հայրս միշտ սովորացնում էր՝ թշնամությունն էլ պիտի պատվով լինի։ Օրենքներ կան, որ չի կարելի խախտել։ Ես հիմա, իհարկե հասկանում եմ, որ այդ օրենքն ու պատիվը սրանց համար չի գրված, բայց պետք է խոստովանեմ՝ ամեն անգամ Իգորի մասին մտածելիս, ահա այս տողերն եմ հիշում՝ ոչ է օրեն…

Ասեք, որ շատ խորհրդանշական է՝ ամեն անգամ, երբ սրանք Խաչատուրովների հետևից են ընկնում, մի ստոր բան հետևում է դրան։ Ու այդ հետապնդումն էլ է ստոր ձևով իրականացվում՝ լրիվ մերկացնելով դրանց խղճուկ ոգին։

Իսկ Իգորը… Իգորն արդեն հաղթել է։ Այս դժվարությունները ժամանակավոր են։ Իսկ պատիվն ու անունը՝ հավերժ։

Ծնունդդ շնորհավոր, ախպեր ջան։ Աստծով»։