Արցախից մի քանի օրով վերադարձել եմ հունիսի 24-ի դատական նիստին ներկա լինելու համար

Հիշեցնեմ, Նիկոլ Փաշինյանի նախկին մամուլի խոսնակ, ներկայումս Ուկրաինայում ՀՀ դեսպան Վլադիմիր Կարապետյանի հետ դատական վեճի մեջ ենք Արցախում պայմանավորված պատերազմ անելու' Վլադիմիր Կարապետյանի 2019-ին արած արտահայտությունների առումով։ 2021-ի հուլիսի 15-ին ես մի միջոցառման ժամանակ փաստեր էի ներկայացրել պատերազմի՝ Նիկոլ Փաշինյանի վարչախմբի կողմից վաղօրոք պլանավորված լինելու, Արցախի շրջանների, բերդաքաղաք Շուշիի դավաճանական հանձնման և այլնի մասին: Այդ փաստերի հրապարակման ընթացքում ներկայացրել էի նաև հրեա բլոգեր Ալեքսանդր Լապշինի և Վլադիմիր Կարապետյանի մասնակցությամբ կարևոր խոսակցություն։

 

Դրանից անմիջապես հետո՝ հուլիսի 29-ին, ինձ հրավիրեցին ԱԱԾ և այնտեղ առգրավեցին այն հեռախոսը, որի մեջ են բոլոր փաստական ապացույցները: Դրանց պատճենները, սակայն, ես պահպանել եմ այլ վայրում ևս։

 

Հիմա Վլադիմիր Կարապետյանը վստահ է, որ ձեռքիս տակ չունեմ փաստական ապացույցներ և ինձ մեղադրում է զրպարտության համար։

 

Էջմիածնի դատարանում այսօրվա նիստին իմ շահերի պաշտպան Լուսինե Վիրաբյանը միջնորդություն է ներկայացնում՝ դատական կարգով ԱԱԾ-ից և ՔԿ-ից վերցնել հեռախոսը, որտեղ բոլոր այդ փաստերի բնօրինակներն են։