Անդրանիկ Թևանյան. «Հեղափոխական» խմբակը

Հայտնի ձայնագրության հրապարակումը ևս մեկ անգամ ապացուցեց, որ Հայաստանը ո՛չ «ժողովրդավարության բաստիոն» է, ո՛չ «ժողովրդավարության բարձրագույն լիգայի ներկայացուցիչ»։ 

Նիկոլ Փաշինյանի գլխավորած համակարգը գավառական բռնապետիկություն է՝ հակապետական առաքելությամբ ու փողի մոլուցքով։

Կիսաժողովրդավարական պետություններում Գագիկ Ջհանգիրյանն առնվազն հրաժարական կտար` ձայնագրության թեմայով ասուլիսը դեռ չավարտված, իսկ նրան նշանակողն առնվազն ներողություն կխնդրեր։

 Իսկ եթե Հայաստանը լիներ «ժողովրդավարության բարձրագույն լիգայի ներկայացուցիչ», ապա Ջհանգիրյանի դեմ արդեն քրեական գործ հարուցված կլիներ, իսկ կառավարության ղեկավարը հրաժարական կտար։

Բայց սա Հայաստանն է, որտեղ իշխանությունն ասում է անձրև է գալիս ու խաղաղության հոտ փչում, երբ Ալիևն է թքում Նիկոլի երեսին և սպանում է, երբ ՀՀ քաղաքացուց է քննադատության արժանանում։

Նիկոլը «հեղափոխական» խմբակ է ստեղծել՝ առաջնորդվելով «Մերոնց՝ ամեն ինչ, իսկ հակառակորդներին՝ «օրենքով» դատ» կարգախոսով։ Ահա այդ կարգախոսի շրջանակներում է ընտրակեղծիքների հիմնադիր–տեխնոլոգ Գագիկ Ջհանգիրյանը դեռևս պաշտոնավարում։

Եթե հանկարծ Ջհանգիրյանը հեռանա կամ հեռացվի, ապա դա տեղի կունենա ոչ թե ՀՀ դատաիրավական համակարգը բռնաբարելու, այլ Նիկոլի ցուցմամբ այդ բռնաբարությունը կազմակերպել չկարողանալու կամ բռնաբարելու ընթացքում «բռնվելու» համար։

ՀՀ ԱԺ պատգամավոր Անդրանիկ Թևանյանի ֆեյսբուքյան էջից