Այսօր հունիսի 6-ն է։ «Հետո ի՞նչ», — կհարցնեք ինձ, հարգելի ընկերնե՛ր, ու ճիշտ կանեք

Իսկապես որ, հետո ի՞նչ։

 

Պատասխանեմ. հետո այն, որ մայիսի 25-ից անցել է 11 լրիվ օր։

 

«Ո՞ւ», — արդեն մի քիչ ներվայնանալով էլի կհարցնեք ինձ ու էլի ճիշտ կանեք։

 

Ու հետո այն, հարգելի ընկերնե՛ր, որ մայիսի 25-ին ուղեծիր հանվեց մի արբանյակ, որը օկուպացիոն վարչակարգը գովազդեց որպես հայկական առաջին արբանյակ, թեպետ պաշտոնապես որևէ պարամետր այդ արբանյակի չհրապարակվեց, ոչ էլ գործարքի մանրամասները։ Նիկոլական քարոզչիչներն էլ փորձեցին այն ծախել ժողովրդի վրա՝ որպես ռազմական ու ռազմավարական լուրջ նշանակություն ունեցող ինչ-որ բան, իսկ հետո պարզվեց, որ չէ՛, այդ որակի լուսանկարներով հետախուզական նպատակներով այն համարյա կիրառելի չէ։ Մի խոսքով, много шума из ничего.

 

Բայց կարևոր հիմա դա չէ։

 

 

 

Բայց ինչ-որ տարօրինակ լռություն է արդեն 11 օր։

— Ալո-ալո...

— Տու-տու-տու-տու...