Ընդդիմադիր պատգամավորները մտնել են ԵՊՀ, բայց բուհի ղեկավարությունը հեռացել է շենքից
«Դիմադրության» շարժման երթի մասնակիցները հասան Երևանի պետական համալսարան։ Մուտքի մոտ կրկին ոստիկանական ուժեր են կուտակված։ Իշխան Սաղաթելյանն ասաց, որ այս դուռը բացելն ու ներս մտնելն իրենց համար մեկ րոպեի հարց է, բայց պետական համալսարան է, ուզում են նորմալ ճանապարհով դռները բացեն, պատգամավորները մտնեն ու իմանալ ԵՊՀ ռեկտորի դիրքորոշումը ժողովրդի ներկայացրած փաստաթղթի վերաբերյալ։
«ԵՊՀ ռեկտորը փոխանակ իջնի ներքևի ու խոսի, թաքնվում է։ Որպես մտավորական պետք է պատասխան տա, որն է իր քաղաքացիական դիրքորոշումը արցախյան հարցում։ Չէ՞ որ գրաճանաչ է, տեսել է բրյուսելյան հայտարարությունը։ Ինքչան էլ իր ղեկավարը փորձի ասել՝ սխալ ձևակերպում է եղել, չէ որ ինքը կարդալ գիտի։ Պարտավոր է հանդիպել և պատասխան տալ՝ ո՞րն է իր դիրքորոշումը, ոչ թե վախենալով թաքնվել։ Սպասում ենք հանդիպման»,- հայտարարեց «Հայաստան» խմբակցության պատգամավոր Արթուր Խաչատրյանը։
Այնուհետև ոստիկանները թույլ տվեցին, որ ընդդիմադիր պատգամավորները մտնեն ԵՊՀ։
Հայաստան դաշինքի էջից տեղեկանում ենք, որ ԵՊՀ ղեկավարությունից ներսում մարդ չկա․
«Ընդդիմադիր պատգամավորները ԵՊՀ շենքում են, բայց բուհի ղեկավարությունն անհայտ ուղղությամբ փախել է»։
Աղբյուր՝ Yerevan.today
Հետևեք մեզ Facebook-ում