Աբաջյանների ընտանիքի՝ փափուկ պահած դուստրն է. էս աղջիկն ամեն օր, ամեն ժամի դրսում է

Սրբուհին է:

Աբաջյանների ընտանիքի՝ փափուկ պահած դուստրը: էս աղջիկն ամեն օր, ամեն ժամի դրսում է: Փողոց փակելիս, երթերին, հավաքներին:Ինձ համար նրբության ու խրոխտության անհավանական ճիշտ խառնուրդի իկոն է: 

Հոր մեջքին միշտ սպիտակ խաչն է, ուսերին՝ փոքր քույրը, տատիկն էլ է ամեն օր դրսում, ասում է՝ «գամ, տեր կանգնեմ ձեզ, էրեխեք», մայրն էլ՝ Ani Abajyanը, ինձ համար զտարյուն, ազնվական հայ կնոջ ամենաճիշտ կերպարն է: 

էս դեռահաս աղջկան էլ են հայավարի, փափուկ, բայց նաև՝ ճիշտ մեծացրել, որ հասկանա՝ պետք լինի՝ փողոց էլ պետք է փակի, նրա մեջ հայրենիք են ներարկել, ոչ թե շուրթեր ներարկելու փափագ, ամենակրիտիկական պահին էլ մոր մոտ առաջին հերթին հայ մնալու, հետո նոր՝ մայրական բնազդն է արթնանում:

Ու նրա մոր՝ Անիի պես Սոսե մայրիկներն են պահել ու պահելու Հայրենիքս:

Նայեք Սրբուհու դեմքին: 

Ամեն ինչ գրված է:

 Ու նրա‘ն չի կարողանալու հաղթել խունտան:

Այս համառությունը կանգնեցնել ԱՆՀՆԱՐ Է:

Իսկ տատիկը, հա, ամեն օր մեզ տեր է կանգնում: Նույն համառն է, չի թողնում թրջվենք, սոված մնանք...

Ու էս մարդկանց, էս հրաշք ընտանիքը ես ճանաչում եմ ընդամենը շատ կարճ ժամանակ:

Բայց մենք ընտանիք ենք:

ԱՅՆ ՄԵԾ ՀԱՅԿԱԿԱՆ ընտանիքը, 

Պլատոնի ասած այն քսան տոկոսը, որը ՍՏԻՊԵԼՈՒ Է, ՈՐ ԱԶԳՆ ԱՐԹՆԱՆԱ ՈՒ ՇՆՉԻ:

Գոհար Սրապիոնյանի ֆեյսբուքյան էջից