Բա այդ ձեր ասած «նոր դեմքերը» ո՞ւր են, ո՞ր ծակերն են մտել։ Հասկանո՞ւմ եք, թե ձեզ ինչպես ֆռացրեց մատերի վրա Նիկոլը. Վրթանեսյանը՝ ընտրողներին

Դա հիմնավորում էին այսպես. «Նիկոլին չենք տալիս, բայց նախկիններին էլ չենք ուզում տալ, մեզ նոր անուններ, նոր դեմքեր են պետք»։

 

Հարց. այդ «նոր դեմքերը» հիմա ո՞ւր են։ Հարցրե՞լ եք, թե այդ մարդիկ, որոնց ձեր ձայները տարան տվեցին, հիմա ինչպե՞ս են դրսևորում իրենց։

 

Այդ «չնախկին» կուսակցություններից միայն «5165 շարժման» և «Զարթոնքի» ժողովրդին եմ տեսնում պայքարելիս։

 

Բա այդ ձեր ասած «նոր դեմքերը» ո՞ւր են, ո՞ր ծակերն են մտել։ Հասկանո՞ւմ եք, թե ձեզ ինչպես ֆռացրեց մատերի վրա Նիկոլը։

 

Լավ, ընտրությունները մի կողմ... Ենթադրենք զզվում եք «նախկինների» կուսակցություններից, ձեր իրավունքն է։ Բայց նույն 5165-ի ու Զարթոնքի կողքն ինչո՞ւ չեք կանգնում։

 

Օրինակ՝ ընկերներով (և չհարելով որևէ քաղաքական ուժի) այս օրերին մասնակցում ենք Դաշնակցության, 5165-ի և «Հայրենիքի» միջոցառումներին։ Նաև ինքներս ենք ակցիաներ կազմակերպում մեր ուժերի չափով, խոսում ենք հարյուրավոր մարդկանց հետ։ Կրկնում եմ՝ առանց որևէ կուսակցության հարելու։

 

Չեք ուզում, ուրեմն մի՛ համախմբվեք կուսակցությունների, անձերի, բռենդերի շուրջ։ Ինքնակազմակերպվե՛ք։ Համախմբվե՛ք Արցախի փրկության գաղափարի շուրջ։ Հայրենիքը պաշտպանելու գաղափարի շուրջ։