Искусство маленьких шагов. մասնագետը մանրամասնում է

Լավ արտահայտություն կա՝ искусство маленьких шагов, փոքր քայլերի արվեստը։

Հաղորդակցության մասնագետներիս համար շատ հասկանալի գաղափար, որը նաև լավ բացատրում է, թե ինչու է կարևոր իմ և ձեր ամեն ստատուս, սթորի, կամ, դիցուկ՝ պրոֆիլի նկար։

Նախ մի քանի նկատառում.

1. Դուր գա մեզ դա, թե ոչ, բայց փաստը մեկն է և անհերքելի՝ այսօր թվային տեխնոլոգիաները կարևորագույն դեր են խաղում մեծամասնության կյանքում։

2. Միջինում, ըստ տարբեր տվյալների, ֆեյսբուքյան օգտատերերն ունենում են 330 - 350 ընկեր։

3. Ես, դուք ու մեր ընկերները նորությունների ժապավեններում առավելապես տեսնում ենք ոչ թե տարբեր էջեր, այլ մեր ընկեր օգտատերերին։ Սա ևս փաստ է, այդպես է աշխատում ֆեյսբուքան ալգորիթմը։ Թե ինչու, հիմա չխորանանք։

Ուրեմն։

Այսօր մենք մի իրավիճակում ենք, երբ կարևոր է հնարավոր բոլոր միջոցներով տարածել այն փաստը, որ ոչ ես, ոչ դուք, ոչ էլ ձեր ընկերներից յուրաքանչյուրը մենակ չենք։

Մենք մենակ չենք, մենք միայնակ էլ չենք։ Մենք բոլորս ունենք շատ նման մտահոգություններ, ցավեր, վախեր՝ ներկաների, նախկինների, ապագայի, ներկայի մասին։ Եվ որքան էլ փոքր թվա կամ լինի մեկ ստատուսի, մեկ սթորիի կամ պրոֆիլի նկարի հարցը, իրականության մեջ դա ևս մեկ քայլ է՝ կոմունիկացիոն մի ամբողջ շղթայի մեջ։ Եվ այդ շղթայի անունն է «միավորում»։ Կամ, ինչու չէ, «միացում»։

Ես բազմիցս ասել եմ, քաղաքականությունից դուրս լինելու ու դրանով չհետաքրքրվելու շռայլությունը քաղցր, բայց մեզ համար անիրատեսական բան է։ Այսօր դուք չեք հետաքրքրվում քաղաքականությամբ, բայց վաղն այդ տապալված քաղաքականությունը թակում է ձեր դուռը՝ պատերազմի, թուրքի, նիկոլի, նախկինի, ներկայի, պողոսի, պետրոսի տեսքով։ Եվ անտեսել հաղորդակցության ու թվային տեխնոլլոգիաների դերը, քմծիծաղով վերաբերվել ֆեյսբուքի պրոֆիլի նկարին կամ ստատուսին, համարել, որ ձեր էջը չպետք է դրանով «փչացնեք» առնվազն միամտություն է։

Պրոֆիլի նկար փոխելը կամ սատուսի միջոցով մեր ընկերներին մեր դիրքորոշումը հաղորդելն ամենափոքր բանն է, որ կարող ենք սեփական ապագայի համար անել։

Եվ ուրեմն՝ինչու՞ չանենք։

#գնա

Նունե Մելքումյանի ֆեյսբուքյան էջից