ՌԴ զինված ուժերը մեկ օրում խոցել են 128 ռազմական օբյեկտ. Կոնաշենկով

Անցած օրվա ընթացքում ռուս զինվորականները հարվածներ են հասցրել ուկրաինական բանակի 128 ռազմական օբյեկտների, ճեպազրույցում հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը։

Դրանց թվում է 1 Buk-M1 զենիթահրթիռային համակարգ, 1 «Օսա» հակաօդային պաշտպանության համակարգ, 4 ռադիոտեղորոշիչ կայան, հրամանատարական 4 կետ, զենքի և զինամթերքի 7 պահեստ, ռազմական տեխնիկայի կուտակման 68 տարածք:

«Օրվա ընթացքում Ռուսաստանի օդատիեզերական ուժերի ավիացիայի կողմից և հակաօդային պաշտպանության միջոցներով խոցվել են ՝ երկու ուկրաինական Սու-25 ինքնաթիռ Չեռնիգովի մարզում, մեկ ՄիԳ-29 Նովայա Բիկովկայի շրջանում, ինչպես նաև չորս անօդաչու թռչող սարքեր»,- ասել է գեներալը։

Ընդհանուր առմամբ, ռազմական գործողության սկզբից ի վեր ոչնչացվել է ուկրաինական 111 ինքնաթիռ, 68 ուղղաթիռ, 160 անօդաչու թռչող սարք, 159 զենիթահրթիռային համակարգ, 1353 տանկ և այլ մարտական ​​զրահատեխնիկա, համազարկային կրակի 129  համալիր, դաշտային հրետանային 493 սարք և ականանետ։