Ադրբեջանի ՊՆ նախարարը սպառնում է Հայաստանին՝ ոչնչացնել «Իսկանդերները» նոր հրթիռներով

Ադրբեջանի զինված ուժերը տիրապետում են հակահրթիռային զենքի, ունակ խոցելու Հայաստանում տեղակայված «Իսկանդեր» համալիրների հրթիռները, հայտարարեց Ադրբեջանի պաշտպանության նախարար Զաքիր Հասանովը «ՌԻԱ Նովոստի»-ին տված հարցազրույցում:

«Ես, որպես պաշտպանության նախարար, հայտարարում եմ, որ մենք ունենք հակազդեցության համակարգ, մենք կարող ենք խոցել այդ հրթիռները: Մենք նույնպես հրթիռներ ունենք, 50 անգամ ավել թվաքանակով: Ամբողջական պատասխանատվություն եմ կրում ասածիս համար: Պատկերացրեք ինչպիսին կլինի պատասխան հարվածը ենթակառուցվածքներին և ռազմական թիրախներին, եթե նրանք որոշեն կիրառել դրանք», - ասաց Զաքիր Հասանովը:

Նա նաև պարզաբանեց, որ Բաքուն այդ զենքերը ձեռք է բերել ոչ Ռուսաստանից, և դրանք որակով ռուսական արտադրությունից վատը չեն:

Իր հարցազրույցում նա նաև նշեց, որ Ռուսաստանի կողմից զենքի մատակարարման նախորդ պայմանագրերը իրագործվել են 90 տոկոսով, և այդ զենքերն արդեն կիրառվում են:

Զաքիրովի խոսքերով, ներկայում Ադրբեջանը դիտարկում է Ռուսաստանից զենքի լրացուցիչ խմբաքանակի գնման հնարավորությունը:

Zham.am