Հայրենապատում ծրագրի միջոցով տեղանք առ տեղանք հնարավորություն եք ունենալու ծանոթանալ մեր հայրենիքի ամեն քար ու թփի, անցյալի դրվագների պատմությանը

•Խորհրդաադրբեջանական գերության տարիներին Քարվաճառ քաղաքի մուտքի մոտ կանգնեցված էր Նիզամի Գանձակեցու նկարավահանակը՝ «Լեյլի և Մեջնուն» պոեմից մեջբերումներով։ Քաղաքի ազատագրումից և վերաբնակեցումից հետո այստեղ տեղադրվեց «Քարվաճառը հայոց միջնաբերդն է» ճշմարտախոս ցուցանակը։

 

•Ցուցանակից արևելք երևացող լեռների փեշերին են ծվարած Ղարախանբինա, Քյոթանլու, Միլլի, Կոտրած Եղցի (Նոր Մանաշիդ), Չիրքին (Նոր Վերինշեն) գյուղատեղի-բնակավայրերը։ Վերջին երկուսի միջև հոսում է Եղցաջուր գետը։ Հեռվում երևում է Անգեղադետ (2416.7 մ) գագաթը։

 

•Իսկ օտար անվանումները հետևանք են 18-րդ դարասկզբին հայկական վերնախավի սխալ քաղաքական կողմնորոշմանը հաջորդած զանգվածային արտագաղթի, որից հետո դարակեսին Փանահը ներխուժեց Շուշի, իսկ քրդական ցեղերը՝ Ծարի (Քարվաճառի) աշխարհ՝ զբաղեցնելով հայաթափված գյուղերը։

 

•Ահա այսպես ԵՊՀ Center for Strategic Research/Ռազմավարական հետազոտությունների կենտրոնի նախաձեռնած Հայրենապատում / Hayrenapatum ծրագրի միջոցով տեղանք առ տեղանք հնարավորություն եք ունենալու ծանոթանալ մեր հայրենիքի ամեն քար ու թփի, անցյալի դրվագների պատմությանը։

 

•Մեզ աջակցելու համար կարող եք հանգանակել «Պատրեոն» հարթակի միջոցով (https://www.patreon.com/hayrenapatum)։